1 Saray Arari 2:5 - Maung A Balita Biblia

⁵ “Wala niy ibagak ed sika. Amtam iman so ginawa nen Joab ed siak nen pinatey to ray duaran pangulo na saray sondalo na Israel a di Abner a lakin anak nen Ner tan Amasa a lakin anak nen Jeter. Amtam no panoy impamatey tod sikara nen panaon na kareenan lapud imbawi tod impamatey da nen panaon na bakal. Pinatey to ray totoon anggapoy kasalanan tan natan siak so natetetel lapud saray ginawa to, tan siak so manaani na saray bungay kaogsan to.

Maung a Balita Biblia

⁵ Wala niy ibagak ed sika. Amtam iman so ginawa nen Joab ed siak nen pinatey to ray duaran pangulo na saray sondalo na Israel a di Abner a lakin anak nen Ner tan Amasa a lakin anak nen Jeter. Amtam no panoy impamatey tod sikara nen panaon na kareenan lapud imbawi tod impamatey da nen panaon na bakal. Pinatey to ray totoon anggapoy kasalanan tan natan siak so natetetel lapud saray ginawa to, tan siak so manaanina saray bungay kaogsan to.

1 Saray Arari 2:5 Referans Kwoze

2 Samuel 3:27

Kasabi nen Abner ed Hebron, impaliis nen Joab ed puirta tan konwarin pitongtongan to, balet ta sinaksak tod eges. Kanyan apatey si Abner lapud pinatey toy Asael ya agi nen Joab.

2 Samuel 20:10

Balet ag naimano nen Amasa so ispadan sankabembenan nen Joab ed sakey a lima to. Indoyuk nen Joab so ispada ed eges nen Amasa et abuyak ed dalin so pait to. Inatey a tampol, kanyan ag la pinidua nen Joab. Insan intuloy nen Joab tan si Abisai ya agi to so onosil ed kinen Seba.

2 Samuel 18:12

Balet inmebat imay too, “Anggan initdan yo ak na sanlibon pilak, ag ko diwiten so anak na ari. Nadngel min amin so ganggan na ari ed sika, si Abisai tan si Itai, ‘Makasengeg ed siak, ag yo papasakitan so malangwer a lakin si Absalom.’

2 Samuel 18:5

Ingganggan tod kindi Joab, Abisai, tan Itai, “Makasengeg ed siak ag yo papasakitan so malangwer a lakin si Absalom.” Nadngel na amin a sondalo so impangibaga nen David ed sayan ganggan.

2 Samuel 18:14

“Ag ko la darakey panaon kod sika,” kuanen Joab. Angalay taloran pika, insan to ra impika ed pagew nen Absalom, nen mabilay nin mambitbitay ed tagey na kiew a robli.

2 Samuel 3:39

Anggan sakey ak ya arin pinili na Dios, makapkapoy ak ed sayan agew. Ag ko nayariay inkaruksa da ra yan lalakin anak nen Sarvia! Dusaen komun na Katawan ira yan kriminal onung ed kanepegan da!”

Jeremias 6:15

Ambaing ira kasi lapud ginagawa da ra yan makapaingungot a bengatla? Andi! Anggapon balut so baing da; ag anggan ombabalangay lupa ra. Kanyan natumba ra a singa impakatumbay arum; no dusaen ko ra, samput da la. Siak, say Katawan, so nansalita.”

Jeremias 2:34

Say kawes yo atalaksikan na dala na saray totoon mairap-bilay tan anggapoy kasalanan, aliwan say dala na saray totoon linmoob a mantakew ed abung yo. “Balet anggaman onya ray ginagawam,

1 Saray Arari 2:32

Dusaen na Katawan si Joab lapud saraman ya impamatey to ya anggapoy pikakabat nen amak a David. Pinatey nen Joab si Abner a pangulo na saray sondalo na Israel, tan si Amasa a pangulo na saray sondalo na Juda. Pinatey to ran anggapoy kasalanan, anta maung tan matonung ni ra nen say sikato.

1 Saray Arari 1:7

Akitongtong lad kinen Joab (a say ina to et si Sarvia) tan si Abiatar a pari, et inmabuloy iran tulongan da.

2 Samuel 17:25

Si Absalom insalat toy Amasa ed pasen nen Joab a pangulo na saray sondalo. Si Amasa lakin anak nen Itra ya Ismaelita; say ina to si Abigail ya anak nen Nahas tan agi na ina nen Joab a si Sarvia.)

2 Samuel 2:18

Akibakal iray taloran lalakin anak nen Sarvia a di Joab, Abisai, tan Asael. Si Asael, a mabatik a singa ulsad katakelan,

Mateo 3:4

Bagoy kamilyo so kawes nen Juan, tan katat so balkes to. Dorun tan dilo so impambilay to.

2 Samuel 2:13

Linma met diman si Joab a lakin anak nen Sarvia tan saray arum ya opisyal nen David, tan nanaabet irad samay dipositoy danum diman. Say sakey a grupo inmirung ed sakey a dapag tan say sakey a grupo diad basil.

Deuteronomio 27:24

“‘Napelag komun so samba na Dios ed siopaman a maamut a mamatey na too.’ “Insan onebat iray amin a totoo, ‘Amen!’