1 Saray Arari 2:45 - Maung A Balita Biblia

⁴⁵ Balet bindisionan to ak tan paletan toy inkiletneg na nanarian nen David ed ando lan ando.”

Maung a Balita Biblia

⁴⁵ Balet bindisionan to ak tan paletan toy inkiletneg na nanarian nen David ed ando lan ando.

1 Saray Arari 2:45 Referans Kwoze

Probirbio 25:5

Ekal mod ari iray maoges a sumisimbawa, et naamtaan so oley lapud inkatonung.

Saray Salmo 72:17

Ag komun nalingwanan so ngaran na ari; mansiansia komun a singa agew so inkabantug to. Amin a bansa kerewen da komun ed Dios a bindisionan to ra a singa impamindision tod ari.

Saray Salmo 21:6

Andi-anggaan a walad sikato ray bindision mo, say kiwawalam papanoen to na gayaga.

1 Saray Arari 2:24

Pinaletan na Katawan a pairungen ak ed trono nen amak a David; tinoor toy sipan to tan inter toy nanarian ed siak tan saray kabyangay pamilyak. Isambak ed ngaran na mabilay a Katawan ya ompatey si Adonias natad sayan agew!”

2 Samuel 7:13

Sikatoy mamaalagey na sakey a timplon para siak, tan pansiansiaen ko ya anggad angga so nanarian to.

1 Saray Awaran 17:27

Kerewen kod sikan bindisionan mo ray kabyangay boleg ko, tan pansiansiam yan bindision ed sikara. Sika, Katawan, so amindision ed sikara; mansiansian ando lan ando ed sikara so bindision mo.”

Saray Salmo 21:4

Kinmerew na bilay et initdan mo, andokey tan andi-anggaan a bilay.