1 Saray Arari 19:5 - Maung A Balita Biblia

⁵ Dinmokul ed silong na kiew, insan akaogip. Kabebekta diniwit na anghil tan kuanto, “Bangon ka, ta mangan ka.”

Maung a Balita Biblia

⁵ Dinmokul ed silong na kiew, insan akaogip. Kabebekta diniwit na anghil tan kuanto, Bangon ka, ta mangan ka.

1 Saray Arari 19:5 Referans Kwoze

Saray Hebreo 13:5

Nepeg ya aliwa kayon lupay kuarta, tan pasarag yoy walad sikayo. Ta inkuay Dios, “Ag ta kan balut paolyan o taynan.”

Saray Hebreo 1:14

Siopa sirin iray anghil? Ispiritu ran amin a manlilingkur ed Dios, tan imbaki to ran ontulong ed saray mangawat na kilalaban.

Saray Gawgawa 12:7

Kabebekta walay manalalagey ya anghil, tan walay silew a nanliwawad loob na prisowan. Samay anghil niyegyeg tod takeb si Pedro pian naliing, tan inkuanto, “Bangon ka! Aporam!” Apaktak a tampol ira may golunggolung ya impamalur dad saray lima nen Pedro.

Daniel 9:21

Legan kon mampipikasi, maples a tinmikyab ed kawalaan ko si Gabriel ya anengneng kod samay inmonan pasingayew ed siak. Oras lad saya na panangisaklang na bagat ed labi.

Daniel 8:19

tan kuanto, “Ipapanengneng kod sikay pansumpalan na pasnuk na Dios. Samay pasingayew et nipaakar ed niganan panaon na anggaan.

Saray Salmo 34:10

Anggan saray lion nanaandian iray nakan tan nanaerasan ira, balet ag onkukulang ed antokaman a maabig iray mangoonur ed Katawan.

Saray Salmo 34:7

Say anghil na Katawan babantayan to ray mangigagalang ed Katawan tan iyaagel to rad kaatapan.

1 Saray Arari 19:4

tan nanakar a sanagew ed kalawakan. Tinmonda tan inmirung ed silong na sakey a kiew tan labay to la komun so ompatey. Nampikasi, “Alablabas la ya, Katawan. Babawim lay bilay ko, ta singa ak met la lamlamang inatey!”

1 Saray Arari 19:6

Ninmengneng ed kaliber-liber, et anengneng tod olowan to so sakey a tinapay tan sakey a garapon na danum. Angan tan inminom, insan dinmokul lamet.

Zacarias 4:1

Dinmago lamet imay katongtong kon anghil tan binangon to ak a singa amangon na toon naogip.