1 Saray Arari 19:4 - Maung A Balita Biblia

⁴ tan nanakar a sanagew ed kalawakan. Tinmonda tan inmirung ed silong na sakey a kiew tan labay to la komun so ompatey. Nampikasi, “Alablabas la ya, Katawan. Babawim lay bilay ko, ta singa ak met la lamlamang inatey!”

Maung a Balita Biblia

⁴ tan nanakar a sanagew ed kalawakan. Tinmonda tan inimirung ed silong na sakey a kiew tan labay to la komun so ompatey. Nampikasi, Alablabas la ya, Katawan. Babawim lay bilay ko, ta singa ak met la lamlamang inatey!

1 Saray Arari 19:4 Referans Kwoze

Jonas 4:3

Ontan sirin, Katawan, alam pa lay bilay ko. Magmaung nin ompatey ak la nen say mambilay ak ni.”

Saray Bilang 11:15

No onya niy gawaen mod siak, panangasim ta patey mo ak la, pian ag ak la mantepel na inkaruksam ed siak.”

Jonas 4:8

Nen atagey lay agew, say Dios angipasibuk na ampetapetang a dagem a nanlapud bokig, et si Jonas ngalngali aponaw lapud petang na agew a kinmenad olo to. Kanyan kinaliktan ton sikato lay inatey komun. Inkuanto, “Magmaung nin inatey ak la nen say mambilay ak ni.”

Saray Taga Roma 3:9

Sikatayo ran Judio, maung ni kasiy kipapasen tayo nen saray Hintil? Andin balut! Ta pinaneknekan mi la ya ooleyan na kasalanan iray amin a Judio tan amin a Hintil.

Juan 4:6

Diay kawalaan na bobun nen Jacob. Naknaksawan si Jesus lapud impanakar to, kanyan inmirung ed abay na bobun. Ngalngali lan alas dosi ed kaagewan.

Nahum 3:8

Ninive, daeg mo ni so Tebes a manonan siudad na Egipto? Wala met so ilog ton mangyagel ed sikato nen saman a singa atagey a padir—say Ilog na Nilo so tirinsira to nen saman.

Amos 6:2

Laka yo ta nengneng yoy siudad na Calne. Insan kayo onlad matalonan siudad na Hamat tan mampalosur kayod Filistia diad siudad na Gat. Natalonaan da kasid kaabigan iray nanarian na Juda tan Israel? Walay dalin a maawang nen say dalin yo?

2 Saray Arari 2:11

Intuloy day pantotongtong da legan dan manaakar, insan kabebekta linmeet ed sikaray karwahin apoy a bibiraen na saray kabayon apoy, tan say alimbusabos inyakar tod tawen si Elias.

1 Saray Arari 19:3

Tinmakot si Elias, kanyan batik diad pangyagel tod bilay to; intagar tod Beerseba na Juda imay aripen to. Intilak diman nen Elias imay aripen to

1 Saray Arari 13:14

Tinombuk to may propitan taga Juda, insan to nalmon manyodyorung ed silong na kiew a robli. “Sikay propitan taga Juda?” tepet to. “Siak,” ebat to may too.

Mateo 6:26

Imano yo pa ray manok ed tagey. Ag ira mantatanem, ni manaani, ni mantitipon ed kamalir na nakan. Anggaman ontan, papakanen iray Ama yon walad tawen. Ag kayo ta mamabli nen saray manok?

1 Saray Arari 19:5

Dinmokul ed silong na kiew, insan akaogip. Kabebekta diniwit na anghil tan kuanto, “Bangon ka, ta mangan ka.”

Say Libro nen Job 6:9

Magmaung ni la laingen no oyusen to lay bilay ko.

Jeremias 20:9

Balet no kuanko, “Lingwanan koy Katawan, tan ag ak la mansalita ed ngaran to,” say salitam ed satan singa apoy ya ondadalang ed pusok; kinmetket la rad saray pokel ko. Gagawaen koy anggaay nayarian kon pokpokan, balet ag ko la nayarian.

Say Libro nen Job 6:8

Akin et ag iter na Dios so kerew ko? Akin et ag to ebatan so pikakasik?