1 Saray Arari 19:14 - Maung A Balita Biblia

¹⁴ Inmebat, “Katawan a Dios a Makapanyarin-amin, panlilingkuran ta ka lawas, tan sika labat so panlilingkuran ko. Balet inkaindan na totood Israel so impisipanan dad sika, dinederal da ray altar mo, tan pinapatey da ray propitam. Bukbukor ko lay atilak—tan labay da ak nin pateyen.”

Maung a Balita Biblia

¹⁴ Inmebat, Katawan a Dios a Makapanyarin-amin, panlilingkuran ta ka lawas, tan sika labat so panlilingkuran ko. Balet inkaindan na totood Israel so impisipanan dad sika, dinederal da ray altar mo, tan pinapatey da ray propitam. Bukbukor ko lay atilaktan labay da ak nin pateyen.

1 Saray Arari 19:14 Referans Kwoze

Saray Hebreo 8:9

Aliwan singa saya may impisipanan kod saray lalaki ra, nen agew ya intabin ko ran impaway ed Egipto. Aliwa ran matoor ed impisipanan kod sikara, kanyan pinaolyan ko ra.

Oseas 6:7

“Balet kaloob da ed dalin diad Adam, dineral da so impisipanan kod sikara.

Daniel 11:30

Onsabin akalogan ed bapor iray taga Roma tan labanan da, et nataktakot. “Insan ompawil a mapalaloy petang na olo to tan deralen to so rilihion da ray totoo na Dios. Onuren to so simbawa da ray angikaindan ed saman a rilihion.

Jeremias 22:9

Insan onebat ira a say makasengeg et say impangikaindan yoy impisipanan yod siak a Dios yo, tan say impangigalang tan say impanlingkur yod saray arum a diriyos.”

Isaias 62:1

Mansalita ak a pamabiskeg kod linawa na Jerusalem; Ag ak mampainawa ya anggad sikatoy nilaban, Tan onsinag a singa baleg a silew ed labi so pananalo to.

Isaias 1:4

Nadudusa ka, sika a makasalanan a bansa, sikayon marotak tan maoges a totook! Ikokotep ka na saray kasalanan mo! Impolisay moy Katawan a masanton Dios na Israel tan imbeneg mo.

Saray Salmo 78:37

Ag ira nansiansian matoor ed sikato, tan ag da sinumpal so impisipanan dad sikato.

Deuteronomio 31:20

Iyakar ko rad saman a mayaman tan mataban dalin onung na insipan kod saray lalaki ra. Nawalaan irad man na amin a labay dan kanen; mainawa tan maliket so pambilay dad man. Balet onasingger irad arum a diriyos tan mangigalang irad sikara. Ipolisay da ak tan deralen day impisipanan kod sikara,

Deuteronomio 29:25

Et say ebat saya, ‘Say makasengeg et lapud dineral na saray totoo so impisipanan ed sikara na Katawan, say Dios na saray lalaki ra, nen impaway to rad Egipto.

Saray Taga Roma 11:3

“Katawan, pinatey da ray propitam tan gineba da ray altar mo. Bukbukor ko la, igagaem da ak nin pateyen.”

1 Saray Arari 18:22

Insan inkuanen Elias, “Bukbukor ko lay atilak a propita na Katawan, balet apat a lasus iray propita nen Baal.

1 Saray Arari 18:30

Insan inkuanen Elias ed saray totoo, “Asinggeran yo ak,” kanyan minokut da. Inapiger toy nigeban altar na Katawan.

Daniel 3:18

Balet anggan ag to kami iyagel, andi-duaruwa, Kagalang ya Ari, ya ag kami mangigalang ed dios mo, tan ag kami ondakmomo ed samay balituk a talintaon impaalagey mo.”