1 Saray Arari 18:40 - Maung A Balita Biblia

⁴⁰ Ingganggan nen Elias, “Erel yo ray propita nen Baal; ag kayo mamapabatik na anggan sakey ed sikara!” Inerel da ra, insan inyakar nen Elias iran amin ed Kolus na Kison tan diman to ra pinapatey.

Maung a Balita Biblia

⁴⁰ Ingganggan nen Elias, Erel yo ray propita nen Baal; ag kayo mamapabatik na anggan sakey ed sikara! Inerel da ra, insan inyakar nen Elias iran amin ed Kolus na Kison tan diman to ra pinapatey.

1 Saray Arari 18:40 Referans Kwoze

Saray Huis 4:7

Papawayen koy Sisara a pangulo na saray sondalo nen Jabin, ta labanan to kayo ed Ilog na Kison. Awiten to ray karwahi to tan saray sondalo to, balet panaloen ta kayod sikato.’”

Deuteronomio 18:20

Balet nepeg ya ompatey so siopaman a propitan mansalitad ngaran ko anta ag ko ingganggan a mansalita, odino siopaman a propitan mansalita ed ngaran na saray diriyos.’

Deuteronomio 13:5

Balet nepeg a pateyen so siopaman a managpatalus na kogip odino siopaman a propitan mangibagad sikayo a sumlangen yoy Katawan ya angipaway ed sikayod Egipto ya akaaripenan yo. Maoges itan a too ta labay to kayon iyarawi ed panagbilay ya ingganggan na Dios a tombuken yo. Nepeg a pateyen pian naandid pegley yo yan kaogsan.

Saray Huis 5:21

Intaban iray agos na delap ed Kison— Say maples ya agos na Ilog na Kison. Ituloy koy onsulong, onsulong, a mabiskeg!

Puyan 20:10

Insan samay Diablo ya amalikdo ed sikara et nibantak ed dayat ya asupri tan apoy a nibantakan met lad samay ayep tan samay tila-tilan propita. Napairap irad man ed agew tan labi ya anggad angga.

Puyan 19:20

Narel imay ayep, pati samay tila-tilan propita a nanggagaway milagro ed arap to imay ayep. (Sarayan milagro so impamalikdo tod saray walay marka na ayep, tan saray angigagalang ed talintaoy ayep.) Samay ayep tan samay tila-tilan propita nibantak iran mabilay ed dayat a manliub ya asupri.

Jeremias 48:10

Nisamba so toon ag mankolin mankimey para Katawan! Nisamba so toon ag to ikakanay ispada tod pampatey!)

Exodo 22:20

“Nepeg a pateyen so siopaman a mangibagat ed anggan anton dios likud ed siak a Katawan.

1 Saray Arari 18:41

Inkuanen Elias ed kinen Ari Acab, “Laka, ta mangan ka la. Narerengel koy ungol na onsasabin oran.”

1 Saray Arari 19:1

Imbaga nen Ari Acab ed kinen asawa ton Jezebel iray amin a ginawa nen Elias tan say impamatey tod amin da ray propita nen Baal.

2 Saray Arari 11:18

Linmad timplo nen Baal iray totoo, insan da inggeba; minekmek da ray altar tan saray wadman a talintaoy diriyos, tan pinatey dad arap na saray altar si Matan a pari nen Baal. Wala ray impanbantay nen Joiada ed Timplo,

2 Saray Awaran 23:17

Linma ran amin ed timplo nen Baal, insan inggeba ra; minekmek da ray altar tan saray wadman a talintaoy diriyos, tan pinatey dad arap na saray altar si Matan a pari nen Baal.

Deuteronomio 13:6

“Nayarin anggan say agi yon laki, odino say anak yon laki, odino say anak yon bii odino say asawa yon bii ya inararo yo, odino say kaaro yon malmalet et maamut to kayon tanggoyuren a mangigalang ed arum a diriyos ya ag yo ni ran balut inggalang, sikayo tan saray lalaki yo.

Saray Huis 4:13

tinawag to ray siam a lasus a karwahi ton balatyang tan amin da ray totoo to tan imbaki to rad Ilog na Kison manlapud Haroset-na-saray-Hintil.

2 Saray Awaran 23:15

Siningkat da, inyakar dad palasio insan da pinatey ed Puirtay Kabayo.