1 Saray Arari 18:31 - Maung A Balita Biblia

³¹ Angalay labinduan bato, sakey so para kapag sakey a tribu ya inngaran onung ed saramay labinduan anak nen Jacob, say lakin angitdan na Katawan na ngaran ya Israel.

Maung a Balita Biblia

³¹ Angalay labinduan bato, sakey so para kapag sakey a tribu ya inngaran onung ed saramay labinduan anak nen Jacob, say lakin angitdan na Katawan na ngaran ya Israel.

1 Saray Arari 18:31 Referans Kwoze

2 Saray Arari 17:34

Anggad natan gagawaen da ni ray gendat ya ogali ra. Ag da gagalangen so Katawan tan ag da anggan oonuren iray ganggan tan saray bilin ya inter tod saray kabyangay boleg nen Jacob ya inngaran to na Israel.

Genesis 35:10

Inkuan na Dios ed sikato, “Jacob so ngaran mo, balet manlapud natan Israel la.” Kanyan Israel so inngaran na Dios ed sikato.

Genesis 32:28

Inkuanto may too, “Aliwa lan Jacob so ngaran mo. Akibalsakan kad Dios tan saray totoo, et analo ka; kanyan Israel la so ngaran mo.”

Josue 4:20

Inlirad man nen Josue ira may labinduan baton inala rad Jordan.

Puyan 21:12

Atagey tan makapal so padir to, tan labinduay puirta to. Babantayay sakey ya anghil so balang puirta. Akasulat ed sarayan puirta so kangaranan da ray labinduan tribu na totood Israel.

TAGA-EFESO 2:20

Nipaalagey ki met ed tapew na pundasion ya inletneg na saray apostol tan saray propita, say baton suyok, a salanti si Cristo Jesus.

Ezekiel 47:13

Say Katawan a Dios inkuanto, “Sikara yay ketegan na dalin ya apagen na labinduan tribu; say tribu nen Jose et awaten to so duaran apag.

Jeremias 31:1

Say Katawan kuanto, “Onsabiy panaon a magmaliw ak a Dios na amin a tribu na Israel, tan sikaray magmaliw a totook.

Isaias 48:1

Dengel yo ya, sikayo ran totood Israel, sikayo ran totoon say sengeg yo et si Juda: Mansasamba kayod ngaran na Katawan tan ibabaga yon igagalang yoy Dios na Israel— balet anggapoy kabaliksan iray salita yo.

Esdras 6:17

Nen isaklang day Timplo, angibagat ira na sanlasus a bakan kalakyan, duan lasus a karniro, tan apat a lasus a kordiro. Angisaklang met ira na labinduan kanding a bagat para kasalanan; sakey a bagat so para balang sakey a tribu ed Israel.

Exodo 24:4

Insulat nen Moises ya amin iray ganggan na Katawan. Diad ontombuk a kabkabwasan, si Moises angipaalagey na altar ed alusadsar na palandey tan angilira na labinduan bato, sakey a bato so para kapag sakey ed saray labinduan tribu na Israel.

Genesis 33:20

Nanggawad may sakey ya altar tan nginaranan to para El, say Dios na Israel.

Genesis 32:29

Inkuanen Jacob, “Ibagam met sirin so ngaran mo.” Balet inmebat, “Akin et labay mo nin naamtaan so ngaran ko?” Binindisionan tod satan si Jacob.