1 Saray Arari 18:27 - Maung A Balita Biblia

²⁷ Nen kaagewan la ginapwan nen Elias a lureyen ira, “Ikasil yoy mampikasi! Sikatoy sakey a dios! Ompano mankokogip, odino mampapainawa, odino walay nila to! Odino ompan nanaogip, kanyan nepeg yon bangonen!”

Maung a Balita Biblia

²⁷ Nen kaagewan la ginapwan nen Elias a lureyen ira, Ikasil yoy mampikasi! Sikatoy sakey a dios! Ompano mankokogip, odino mampapainawa, odino walay nila to! Odino ompan nanaogip, kanyan nepeg yon bangonen!

1 Saray Arari 18:27 Referans Kwoze

Isaias 41:23

Ibaga yod sikami no antoy nagawad arapen— pian nabirbiran mi a diriyos kayo! Manggawa kayoy antokaman a kamaungan odino antokaman a deral, et diad ontan ontakot tan onkelaw kami!

Marcos 14:41

Diad pitlon impawil to inkuantod sikara, “Akaogip tan mamapainawa kayo nin anggad natan? Duga la tan! Sinmabi lay oras a niawat so Anak na Too ed lima da ray makasalanan.

Marcos 7:9

Intuloy nen Jesus, “Masilib kayon mangipaliis na ganggay Dios, pian naonur yoy bangat yon dili.

Mateo 26:45

Pinmawil ed saray disipulo to tan inkuanto, “Akaogip tan mamapainawa kayo ni anggad natan? Nengneng yo! Sinmabi lay oras a niawat so Anak na Too ed lima da ray makasalanan.

Ezekiel 20:39

Say Katawan a Dios kuanto, “Sikayo ran amin ya Israelita, no ag yo ak dengelen, ituloy yo labat lad tay panlilingkur yod saray talintaoy diriyos yo! Balet papasakbayan ta kayo a kayari to ya, nepeg yo ak ya onuren tan ag yo la pabaingan so masanton ngaran ko diad pambabagat yo na saray rigalo ed saray talintaoy diriyos yo.

Ecclesiastes 11:9

Tobun-balo, manliket kayo legan a wala kayo nid kalangweran. Gawa yo labat so labay yo tan tombuk yoy kaliktan yo. Balet nunot yo a say Dios sintinsiaan to kayod saray amin a gagawaen yo.

Saray Salmo 121:4

Say manangyagel na Israel, et ag ontetemeg odino nanaogip.

Saray Salmo 44:23

Liing ka pa, Katawan! Akin et naogip ka? Bangon ka pa. Ag mo kami pa ipopolisay ya anggad angga!

2 Saray Awaran 25:8

Abaloan mo amon napabiskeg kan mibakal no kaibam ira, balet ipatalo ka na Dios ed saray kalaban mo. Walad sikatoy pakayari a panaloen odino ipatalo ka.”

1 Saray Arari 22:15

Nen pinmarontal ed arap nen Ari Acab si Micaya, inkuan na ari ed sikato, “Micaya, dogpaan mi nen Ari Josafat so Ramot-galaad odino andi?” Inmebat si Micaya, “Laka yo, ta manalo kayo. Panaloen kayo na Katawan.”

Isaias 51:9

Liing ka pa, Katawan, ta tulongan mo kami! Ikanam pa so pakayarim ta ilaban mo kami; ikanam pa a singa ginawam nen saman. Sika so nantetegteg ed Rahab a dragon ed dayat.

1 Saray Arari 18:26

Inala da may bakan niiter ed sikara, imparaan da, tan nampikasi rad kinen Baal ya anggad kaagewan. Ineyag da, “Ebatan mo kami pa, Baal!” tan nansayaw-sayaw irad kaliber-liber na altar a ginawa ra. Balet anggapoy ebat a naalagar da.

1 Saray Arari 18:28

Kanyan inkasil day pampipikasi ra, tan sinasalger day laman da na saray yuro tan saray punyal, onung na sirimonya ra, ya anggad inmaagos so dala.

Saray Salmo 39:3

tan mapagpaga ak. Diad pannununot kon maung, lalon dinmendey gunigon ko; ag ko la napokpokay onkerew na onya: