1 Saray Arari 18:24 - Maung A Balita Biblia

²⁴ Insan pampikasi yod dios da iray propita nen Baal, balet mampikasi ak ed Katawan; say Dios a mangipelag na apoy ya ebat na pikakasi—sikato so Dios.” Inmebat iray totoo, “Maung itan. Siabobun kami.”

Maung a Balita Biblia

²⁴ Insan pampikasi yod dios da iray propita nen Baal, balet mampikasi ak ed Katawan; say Dios a mangipelag na apoy ya ebat na pikakasisikato so Dios. Inmebat iray totoo, Maung itan. Siabobun kami.

1 Saray Arari 18:24 Referans Kwoze

1 Saray Arari 18:38

Angipelag na apoy so Katawan, tan pinoolan to may bagat, saramay kiew, tan saramay bato, tan tinektek toy dalin tan pinamaga to may banawang a kawalaay danum.

1 Saray Awaran 21:26

Insan nanggaway altar a para Katawan tan angisaklang na saray bagat a popoolan tan saray bagat a para kareenan. Nampikasi, et inebatan na Katawan diad panamegley na impangibaki toy apoy a nanlapud tawen ya amool ed saramay imbagat ed tapew na altar.

2 Saray Awaran 7:3

Nen anengneng na saray totood Israel a naplag a nanlapud tawen so apoy tan pinano na liwawa so Timplo, dinmakmomo ran anggad dalin, inggalang day Dios tan indayew da lapud kaabigan tan ag mangoman a panangaro to.

2 Saray Awaran 7:1

Nen asumpal nen Solomon so pikakasi to, pinmelag a nanlapud tawen so apoy tan pinoolan to ray bagat ya insasaklang. Insan say Timplo napno na kagalangan na Katawan.

Levitico 9:24

Kabebekta say Katawan angipelag na apoy, tan inoput ton pinoolan imay bagat a popoolan tan saramay taba ed tapew na altar. Nen anengneng ya na saray totoo, inmeyag iran amin tan dinmakmomo ra ya anggad dalin.

Saray Huis 6:21

Inyonat na samay anghil na Katawan so lima to, insan to indiwit so ngoroy bislak a sankabembenan to ed saramay karni tan tinapay. Pinmaway so apoy ed samay bato tan inoput ton pinoolan ira may karni tan tinapay. Insan naandipat imay anghil.

Isaias 39:8

Say atalusan nen Ari Ezekias a kabaliksan to ya et say kiwala na kareenan tan kaandi na kaatapan legan na pambilay to, kanyan inmebat, “Maung so imbagam ed siak a salita na Katawan.”

2 Samuel 14:19

“Si Joab so nambangat ed sikad saya?” tepet na ari. Inmebat may bii, “Isambak ed tawen, Kagalang kon Ari, ya anggapoy polaing a makapangipaliis na pangebat ed tepet mo. Say katawan to, si opisyal mon Joab so angibangat na gawaen tan salitaen ko.

Genesis 4:26

Walay anak nen Set ya inngaran to na Enos. Diad sayan panaon, inggapo na katoowan so ontawag ed masanton ngaran a Yahweh.

1 Saray Arari 18:23

Ala kayoy duaran bakan kalakyan; paala yod sikaray sakey, pateyen da, insan da tegtegtegen; iyan dad tapew na saray kiew—balet ag da seselselan. Nampara met so gawaen kod samay sakey a baka.

1 Saray Arari 18:25

Insan inkuanen Elias ed saray propita, “Lapud dakerakel kayo, ala kayoy sakey a bakan kalakyan, ta onona kayon mamparaan. Mampikasi kayod dios yo, balet ag yo seselselan so kiew.”

1 Saray Arari 18:39

Nen anengneng ya na saray totoo tinmiblak irad dalin, tan kuanda, “Say Katawan et Dios; say Katawan labat so Dios!”

Jeremias 27:18

No talagan propita ra, tan awit day salitak, pakerew mo rad siak a Makapanyarin-amin a Katawan ya ag ko abuloyan a naalad Babilonia iray nakdaan a kayamanan ed Timplo tan diad palasio na ari.” (

1 Saray Arari 2:38

“Maung itan so imbagam, Kagalang ya Ari,” ebat nen Simei. “Gawaen ko so labay mo.” Kanyan abayag a nanayam ed Jerusalem si Simei.