1 Saray Arari 18:21 - Maung A Balita Biblia

²¹ Linmay Elias ed saray totoo tan kuanto, “Kapigay pangipasakey yod kanunotan yo? No Dios so Katawan, sikatoy igalang yo; no Dios si Baal, sikatoy igalang yo!” Balet ag inmesel iray totoo.

Maung a Balita Biblia

²¹ Linmay Elias ed saray totoo tan kuanto, Kapigay pangipasakey yod kanunotan yo? No Dios so Katawan sikatoy igalang yo; no Dios si Baal, sikatoy igalang yo! Balet ag inmesel iray totoo.

1 Saray Arari 18:21 Referans Kwoze

Mateo 6:24

“Anggapoy toon makapanlingkur ed duaran amo, ta bosulen toy sakey tan aroen toy sakey, panlingkuran toy sakey tan balawen toy sakey. Ag kayo makapanlingkur ed Dios tan say kayamanan.

Josue 24:15

No ag yo labay a panlingkuran so Katawan, mampili kayo natan no siopay panlingkuran yo, saray diriyos ya inggagalang na saray lalaki yo ed Mesopotamia odino saray diriyos da ray Amorreo a panaayaman yo natan so dalin da. Para say siak tan say pamilyak, panlingkuran mi so Katawan.”

2 Saray Arari 17:41

Inggalang na saraman a totoo so Katawan, balet inggalang da met iray talintaoy diriyos da; tan anggad natan gagawaen na saray kabyangay boleg da iray singa ginagawa ra.

1 Samuel 7:3

Inkuanen Samuel ed saray totood Israel, “No impapusoy ipawil yod Katawan, nakaukolan ya ibantak yo la ray diriyos na saray arum a bansa tan saray talintao nen diosan Astarot. Isaklang yod Katawan so sikayon dili tan sikato labat so panlingkuran yo, et ekalen to kayo ed pakayari na saray Filisteo.”

Sofonias 1:5

Pateyen koy toon oonlad toktok na abung a mangigalang ed agew, bulan, tan saray bitewen. Pateyen ko met iray mangigagalang ed siak, tan mansasamban matoor ed siak, balet kabekta mansamba ra ed ngaran na dios a Moloc.

Saray Salmo 100:3

Birbir yon Dios so Katawan! Pinalsa to itayo, tan kayaryan to itayo; totoo to itayo, saray karniro to.

Deuteronomio 4:35

Say Katawan impapanengneng to ra man ed sikayo, pian napaneknekan tod sikayo a bukbukor to so Dios tan anggapo lay arum.

1 Saray Arari 18:39

Nen anengneng ya na saray totoo tinmiblak irad dalin, tan kuanda, “Say Katawan et Dios; say Katawan labat so Dios!”

2 Saray Awaran 33:13

Dinengel na Dios so pikakasi nen Manases tan inebatan to diad panamegley na impangyabuloy ton makapawil ed Jerusalem tan manoley lamet. Diad saya anisiay Manases a say Katawan et Dios.

Genesis 44:16

“Antoy nibaga mi?” kuanen Juda. “Panoy pankatonungan mi? Panoy pakapangipanengneng min anggapoy kasalanan mi? Say Dios a dili so amapapaway ed kasalanan mi. Natan, aripen yo kami lan amin, aliwan saman labat so akalmoay kupa.”

Genesis 24:50

Inmebat si Laban tan si Betuel, “Nanlapud Katawan yan bengatla, kanyan aliwan sikamiy nepeg ya onebat na ‘on’ odino ‘andi.’

Saray Taga Roma 3:19

Natan amta tayo ya amin iray walad Ganggan et para saray walad silong na Ganggan, pian napatonda toy pambabaraan na amin a katoowan tan napasilong tod panagsintinsia na Dios so sankamundoan.

Lucas 6:13

Kasabiy kabwasan, tinawag to ray disipulo to, tan pinili tod sikaray labindua, tan inngaran to ray apostol.

Mateo 22:36

“Maistro,” inkuanto, “diad Ganggan dinay manona?”

Mateo 22:34

Nen nadngelan na saray Pariseo ya ag pinaesel nen Jesus iray Saduseo, nantitipon ira.

Mateo 22:12

Tinepet nen arid sikato, ‘Kaaro, akin et linma ka dian ag akakawes na pibabansal?’ Balet ag akasel imay laki.

1 Saray Awaran 17:26

O Katawan, sika so Dios, tan insipan mod siak yan maung a bengatla.

1 Saray Arari 18:20

Kanyan impantitipon nen Acab ed Palandey na Carmelo iray amin a totood Israel tan saray propita nen Baal.

Saray Salmo 119:113

Kabosul ko ray aliwan sigput a matoor ed sika, balet inarok so ganggan mo.

Oseas 10:2

Saray totoon managpalikdoy kapusuan da et nepeg la ran manirap lapud saray kasalanan da. Igeba na Dios iray altar da tan deralen to ray masanton lusek da.