1 Saray Arari 17:1 - Maung A Balita Biblia

¹ Inkuanen propita Elias a taga Tisbe na Galaad ed kinen Ari Aca, “Diad ngaran na Katawan a mabilay a Dios na Israel a panlilingkuran ko, ibagak ed sikan anggapoy napelag a linaew o oran ed loob na arapen a duara odino taloy taon ya anggad ag ko pangibagan onoran la.”

Maung a Balita Biblia

¹ Inkuanen propita Elias a taga Tisbe na Galaad ed kinen Ari Aca, Diad ngaran na Katawan a mabilay a Dios na Israel a panlilingkuran ko, ibagak ed sikan anggapoy napelag a linaew o oran ed loob na arapen a duara odino taloy taon ya anggad ag ko pangibagan onoran la.

1 Saray Arari 17:1 Referans Kwoze

Santiago 5:17

Si Elias et kapara tayon too. Pinasyay impangipikasi ton ag onoran, tan ag inmoran a tua ed loob na taloy taon tan anem bulan.

Lucas 1:17

Onlan onona nen say Katawan, tan nawalaan na singa pakayari tan ispiritu nen propita Elias. Papawilen toy panaarowan da ray ama tan anak. Papawilen to met ed dalan da ray matonung iray totoon bangar. Diad ontan, iparaan to ray totoo a mangawat ed Katawan.”

1 Saray Arari 22:14

Balet inmebat si Micaya, “Diad ngaran na mabilay a Katawan, say papaibaga tod siak so ibagak!”

2 Saray Arari 3:14

Inmebat si Eliseo, “Diad ngaran na mabilay a Katawan a panlilingkuran ko, no ag say panamablik ed Ari Josafat na Juda a kagampim, ag ta kan balut komun tulongan.

Puyan 11:6

Walad sikaray pakayarin mangikaput na tawen, pian ag onoran legan dan ipupulong so salitay Dios. Wala met so pakayari rad saray danum; nayarian da a pagmaliwen iran dala. Wala met so pakayari ran mangiter ed dalin na antokaman a salot, kapag labay da.

Saray Taga Roma 11:2

Ag impolisay na Dios iray totoon pinili to lan inmona nen saman. Ag yo ta amtay ibabagay Masanton Sulat ed sakey a pasen? Akikasiy Elias ed Dios sumlang ed Israel:

Lucas 21:36

Kanyan nakaukolan a sipaparaan kayo lawas tan ag yo totondaay mampikasi, pian nawalaan kayoy biskeg ya ompaliis ed amin da ra yan nagawa, tan makapiarap kayod Anak na Too.”

Lucas 9:30

Kabebekta, wala ray duaran lalakin mitotongtong ed sikato: si Moises tan si Elias.

Mateo 7:29

ta imbangat to ran walay pakayari, aliwan singa panagbangat da ray iskriba.

1 Saray Arari 18:1

Kayariy pigaran agew, nen mikatloy taon lan anggapoy oran, inkuan na Katawan ed kinen Elias, “Laka, ta iparontal moy sikan dili ed kinen Ari Acab, insan ko la paoranen.”

Deuteronomio 10:8

Diad palandey say Katawan tinoro to ray lalakin kabyangay tribu nen Levi a sikaray makaoley ed Kaban na Sipanan, manlingkur irad sikato, tan sikaray mamindision ed ngaran to. Saraya ni so kimey da ya anggad natan.

Saray Gawgawa 27:23

Ta kalabyan, nampanengneng ed siak so sakey ya anghil na Dios, say Dios ya akankien ed siak tan gagalangen ko.

Lucas 1:19

Inmebat may anghil, “Siak si Gabriel a manalalagey ed arap na Dios. Imbaki to ak a mangibagad sika yan maung a balita.

1 Saray Arari 18:15

Inmebat si Elias, “Diad pakayari na Makapanyarin-amin a Katawan a panlilingkuran ko, isipan ko ya iparontal ko natan so siak a dili ed ari.”

1 Saray Arari 18:10

Diad ngaran na mabilay a Katawan a Dios mo, sambaan ko ya impaanap ka na ari ed anggad iner a sokung na mundo. Diad inerman a baley ya impakapangibagaan ya andi kad man, impansamba toy pangulod saman a pasen ya ag da kad man narumog.

Saray Huis 12:4

Insan impantitipon nen Jefte ya amin iray lalakid Galaad, nilabanan da ray lalaki ed Efraim tan tinalo da ra. (Imbaga na saray lalakid Efraim, “Sikayo ran taga Galaad ed Efraim tan Manases, tinaynanan yod Efraim!”)

Juan 1:25

Tinepet dad kinen Juan, “No aliwa kan Cristo, odino si Elias, odino samay Propita, akin et mamibinyag ka?”

Juan 1:21

Tinepet da, “Siopa ka sirin? Sika si Elias?” “Andi, aliwan siak,” ebat to. “Sika may propita ya alagden mi?” tinepet da lamet ed sikato. “Andi,” ebat tod sikara.

Lucas 9:54

Nen naamtaan ya na saray disipulon si Santiago tan si Juan, inkuanda, “Katawan, onabuloy kan manawag kamiy apoy a manlapud tawen a maneral ed sikara?”

Lucas 9:33

Nen ontataynan la ra may lalaki, inkuanen Pedro ed kinen Jesus, “Maistro, maung ta wadya itayo. Manggawa kamiy taloran ayaman: sakey so para sika, sakey so para si Moises, tan sakey so para si Elias.” (Diad tuay tua ag to amtay ibabaga to.)

Mateo 27:49

Balet inkuanday arum, “Alagar ka, ta nengnengen tayo pa no onsabiy Elias a mangilaban ed sikato!”

Mateo 27:47

Nadngel ya na arum a manalalagey diman tan inkuanda, “Tatawagen toy Elias!”

Mateo 16:14

Inmebat ira, “Wala ray mangibabagan si Juan a Managbinyag. Ibabagay arum a si Elias; wala met iray mangibabagan si Jeremias o sakey ed saray propita.”

Mateo 11:14

No panisiaan yo ra, si Juan so Elias a nipasakbay ya onsabi.

Jeremias 15:19

Say Katawan inmebat, “No ompawil ka, awaten ta ka, tan magmaliw kan aripen ko lamet. No mansalita kay makana-kana, aliwan say andi-kakanaan, magmaliw kan propitak lamet. Ompawil ed sika iray totoo, tan ag nakaukolan ya onla kad sikara.

Isaias 49:18

Nengneng kad liber-liber ta imanom no antoy nagagawa! Mantitipon iray totoom—onsesempet la ra! No panon ya anggapoy duaruwa a siak so mabilay a Dios, ontan met a nikinon mo ray totoom; nikinon mo ran singa pangikinon na nubia ed saray alahas to.

2 Saray Arari 5:16

Inmebat si Eliseo, “Diad ngaran na mabilay a Katawan a panlilingkuran ko, ag ak mangawat na antokaman a rigalo.” Ipapasoot nen Naaman ya iter, balet ag to awaten.

1 Saray Arari 17:2

Insan inkuan na Katawan ed kinen Elias,

1 Saray Arari 17:12

Inmebat imay bii, “Diad ngaran na mabilay a Katawan a Dios mo, sambaan kod sikan anggapoy tinapay ko. Sankaakup labat so arinak a walad pasig tan dagdaiset a larak na oliban walad garapon. Linma ak diad mandokdok na itongo, insan ko isempet, ta iparaan ko may arinak a para siak tan say anak kon laki. Kaonuran la man a kanen mi, insan ompatey kami lad eras.”

2 Saray Arari 1:3

Balet ingganggan na sakey ya anghil na Katawan si Elias, say propitan taga Tisbe, ya onla ta abeten to ra may imbaki nen Ari Ahazias tan tepeten tod sikara, “Anggapo ta lay Dios na Israel, et onla kayon mangipanon ed Baalzebub a dios na Ekron?

2 Saray Arari 5:20

nen si Giezi ya aripen nen Eliseo et inkuantod sikaton dili, “Ag impanbayar na amok si Naaman a Siriano. Inawat to komun imay iiter to. Diad ngaran na mabilay a Katawan, aboten ko, ta miala ak na antokaman ed sikato.”

2 Saray Awaran 6:26

“No mankasalanan ed sika iray totoom tan dusaen mo ra diad panamegley na ag mo pangiter na oran, insan ira magbabawi tan onarap irad sayan Timplo diad pampikasi ra,

Say Libro nen Job 12:15

No paeren na Dios so oran namagaan so dalin; no ibolus toy oran onsabiy delap.

Isaias 5:6

Paolyan kon natuboan na saray dika. Ag ko potut-potutay sanga to odino bukalkalen so dalin, no ag ingen paolyan kon kobutan na ambabaing tan arum nin masabit a dika. Iganggan ko ni ingen iray lorem ya ag da terteran na oran.”

Jeremias 14:22

Anggapod saray diriyos na saray bansa so makapaoran; anggan say tawen ag to makapangipelag na mayamaya. Sikay paniilaloan mi, Katawan a Dios mi, ta sikay manggagawa na sarayan bengatla.”

Jeremias 28:8

Saray propitan nansalita nen abayag lan panaon kasakbayan na panaon ko tan panaon mo, impropisiya ray idalan na bakal, eras, tan salot ed saray amayamay a bansa tan saray makapanyarin nanarian.

Aggeo 1:10

Sikato yay makasengeg ya anggapoy onterter ya oran tan anggapoy ontubon tanaman.

1 Saray Arari 8:35

“No mankasalanan ed sika ray totoom, et dusaen mo ra diad panamegley na ag mo pangiter na oran, insan ira magbabawi tan onarap irad sayan Timplo diad pampikasi ra,

2 Saray Arari 4:38

Aminsan ya agew nen dinmalay eras ed intiron bansa, pinmawil ed Gilgal si Eliseo. Legan ton babangatan iray propita, imbaga tod samay aripen to a mangitoon na baleg a sayap, ta ilutoan to ray kanen da.

2 Saray Awaran 21:12

Si propita Elias impawitan toy sulat si Jehoram ya onyay logan to: “Dusaen kay Katawan a Dios nen lakim a David lapud ag mo inalig so maung ya impanoley nen amam a Josafat o si Ari Asa na Juda.