1 Saray Arari 16:29 - Maung A Balita Biblia

²⁹ Diad kumatalomplo tan walon taon na panooley nen Ari Asa ed Juda, nagmaliw ya arid Israel si Acab a lakin anak nen Omri, tan nanoley ed Samaria na duamplo tan duan taon.

Maung a Balita Biblia

²⁹ Diad kumatalomplo tan walon taon na panooley nen Ari Asa ed Juda, nagmaliw ya arid Israel si Acab a lakin anak nen Omri, tan nanoley ed Samaria na duamplo tan duan taon.

1 Saray Arari 16:29 Referans Kwoze

1 Saray Arari 16:24

insan to sinaliw na anem a libon pilak ed toon manngaran na Semer so pokdul na Samaria. Pinadir nen Omri imay pokdul, amaalagey na sakey a baley diman, insan to inngaran na Samaria, say ngaran ya inaon ed Semer ya akankien nen saman ed samay pokdul.

1 Saray Arari 16:28

Inatey si Omri, nipompon ed Samaria, insan sinmalat ed sikaton nanari si Acab a lakin anak to.

1 Saray Arari 16:30

Pinalumbasan ton amin iray akaonan nanoley nen say sikato diad impankasalanan tod Katawan.

1 Saray Arari 16:33

Nanggawa met na talintao nen diosan Asera. Pinalumbasan ton nankasalanan iray amin ya ararid Israel ya akaonan nanoley nen say sikato, lapud saray ginagawa ton maoges ya amasnukay Katawan a Dios na Israel.

1 Saray Arari 21:18

“Lakad kinen Ari Acab na Samaria. Nasabim a mangakayaryan ed kaubasan nen Nabot.

Jeremias 41:5

wala ray walomplon lalakin sinmabi a nanlapud Sikem, Silo, tan Samaria. Inekal da ray balbas da, pinipilat da ray kawes da, tan sinasalger day laman da. Sankaawit da ray trigo tan say insinso ya ibagat da ed dalem na Timplo.

Mikias 6:16

Onyay nagawa, lapud inalig yo ray maoges a ginagawa nen Ari Omri tan si anak ton laki a si Ari Acab. Intuloy yon inoonur iray ganggan da, kanyan iyakar kod sikayoy deral, tan balawen kayo na balang too. Leglemewen kayo na amin a katoowan ed inerman a pasen.”

1 Saray Arari 16:21

Apaldua so totood Israel: say kapalduad sikara labay et dan manari si Tibni a lakin anak nen Ginat, balet say kapaldua labay day Omri.

1 Saray Arari 16:23

Kanyan diad kumatalomplo tan sakey a taon na panooley nen Ari Asa ed Juda, nagmaliw ya arid Israel si Omri, tan nanoley a labinduay taon. Nanoley ed Tirza nen ononan anemiran taon,

2 Saray Awaran 25:13

Legan to ya, saramay sondalon taga Israel ya ag ira impila nen Amasias ed bakal et dinogpaan da ray siudad na Juda a wala rad nanleetan na Samaria tan Bet-horon. Akapatey ira na talon libon lalaki, tan akasamsam ira na amayamay a bengatla.

Oseas 13:1

Nen saman, natatakot iray arum a tribu na Israel no say tribu nen Efraim lay mansalita; bibirbiren dan matalonggaring so Efraim. Balet nankasalanan iray totoo ed Israel diad impangigalang dad Baal, tan lapud saya ompatey ira.