1 Saray Arari 14:4 - Maung A Balita Biblia

⁴ Kanyan linmad abung nen Ahias diad Silo imay asawa nen Jeroboam. Ag la makanengneng si Ahias lapud kinamasiken to la.

Maung a Balita Biblia

⁴ Kanyan linmad abung nen Ahias diad Silo imay asawa nen Jeroboam. Ag la makanengneng si Ahias lapud kinamasiken to la.

1 Saray Arari 14:4 Referans Kwoze

1 Saray Arari 11:29

Aminsan ya agew, nen manaakar a nanlapud Jerusalem si Jeroboam, inabet nen propita Ahias a taga Silo; bukbukor dan dua ed dalan diad maawang a bario. Akasolung na balon kawes si Ahias;

1 Samuel 4:15

Siamaplo tan walo lay taon nen Eli natan tan ngalngalin ag la makanengneng.)

1 Samuel 3:2

Aminsan a labi si Eli a ngalngali la bulag et naogip ed dilin kuarto to.

Ecclesiastes 12:3

Diad satan, onggiwgiw la ray taklay mon angyaagel na bilay mo nen saman, tan onkalug la ray pueg mo. Nangileb-ngileb ka met lad satan kanyan ag mo la nagatgat so kanen mo, tan onkuyep met lay pakanengneng mo.

Saray Salmo 90:10

Pitomploy taon labat so karokey na bilay mi, o walomplo no mabiskeg kami; anggaman ontan, ermen tan segsegang labat so iiter dad sikami; nanagonuyan, anggapo lay bilay mi tan naandipat kami la.

1 Saray Arari 14:2

Inkuanen Jeroboam ed kinen asawa to, “Oman moy nengneng mo, pian anggapoy makabirbir ed sika. Insan lakad Silo a panaayaman nen Ahias, say propitan angibagan manari ak ed Israel.

Josue 18:1

Kayarin adakep na saray Israelita so intiron dalin na Canaan, nantitipon irad Silo, insan da inlira so Tuldan Ayamay Katawan.

Deuteronomio 34:7

Sanlasus tan duamploy taon nen Moises nen inatey; ag angoman so biskeg to, tan maung niy pakanengneng to.

Genesis 48:10

Korarap la ray mata nen Jacob, lapud masiken la, tan ngalngali la ag makanengneng. Inyasingger nen Jose ira may ogogaw ed sikato, nilakap to ra tan inanguban to ra.

Genesis 27:1

Masiken lay Isaac tan bulag la. Impatawag toy Esau ya anak ton pangulowan tan inkuanto, “Anak ko!” “Wadya ak, ama,” ebat to.