1 Saray Arari 14:24 - Maung A Balita Biblia

²⁴ Say sankaogsan ed amin a ginagawa ra et say inkiwala na saray lalaki tan saray bibiin marotak diad saray ginagawa ran altar. Inalig na saray totood Juda iray amin a bengatlan makapabaing a ginagawa na saray totoon pinataynan na Katawan nen nilooban na saray Israelita so bansa.

Maung a Balita Biblia

²⁴ Say sankaogsan ed amin a ginagawa ra et say inkiwala na saray lalaki tan saray bibiin marotak diad saray ginagawa ran altar. Inalig na saray totood Juda iray amin a bengatlan makapabaing a ginagawa na saray totoon pinataynan na Katawan nen nilooban na saray Israelita so bansa.

1 Saray Arari 14:24 Referans Kwoze

Deuteronomio 23:17

“Sebel ed siopaman ya Israelita, bii may laki, so magmaliw a babayaran a too ed timplo.

1 CORINTO 6:9

Ag yo ta amtan saray makasalanan et ag da natawir so Panariay Dios? Ag kayo patitilaan! Saray managgaway inmoralidad, saray manangigalang ed saray talintaoy diriyos, saray managkaloguran, saray managliket ed laman na kapara ran laki o kapara ran bii,

2 Saray Arari 23:7

Dineral to ray kuarton walad dalem na Timplo ya ayaman na saray marotak a bibii tan lalaki. (Diman so nanggagawaan na saray bibii ed saray kawes ya inkakanad pangigalang ed Asera.)

1 Saray Arari 15:12

Pinataynan tod bansa iray amin a lalaki tan bibiin marotak a manlilingkur ed saray paganon altar, tan inekal to ray amin a talintaoy diriyos a ginagawa na saray akaonan nanoley nen say sikato.

1 Saray Arari 22:46

Pinataynan ton amin ed dalin iray marotak a lalaki tan bibiin atilak nid saramay panaon nen ama ton Asa, tan manlilingkur irad saray paganon altar.

Genesis 19:5

Inkulyaot dad kinen Lot, “Kawalaan da ra may lalakin mioogip ed abung mo? Ipaway mo ra dia, ta labay mi ran piakdulan.”

Saray Huis 19:22

Manliliket ira nen kabebekta walay ray pigaran lalakin marotak so inkatoo ra a sinmabi ran nanlapud baley. Niliktub da may abung tan ginapwan day nantoktok ed kaput. Inkuandad samay masiken, “Ipaway mo dia tay lakin kaibam a sinmempet! Labay miy miakdul ed sikato!”

Levitico 18:26

Ginawa ra yan amin a mabambanday a kagagawa kanyan dinotakan day dalin, balet ag nepeg a gawaen yo ra ya. Amin yo, Israelita kayo man odino sangkaili, nepeg ya onuren yo ray ganggan na Katawan tan saray bilin to,

Levitico 18:30

Say Katawan kuanto, “Sumpal yo ray ganggan ya iter kod sikayo tan ag yo aaligen iray kagagawa na saray totoon manaayam ed dalin a laen yo, tan ag yo dodotakan so sikayon dili diad panggawa yod dinan man ed saraya. Siak so Katawan a Dios yo.”

Deuteronomio 23:18

Ontan met, say kuartan nalmoan ed onyan marotak a kagagawa et ag nayarin iyakar ya ibagat ed Timplo na Katawan a Dios yo diad panumpal na sakey a sinambaan a sipan. Sebel so onya, lapud kabosul na Katawan iray marotak a babayaran a totoo ed Timplo.