1 Saray Arari 13:8 - Maung A Balita Biblia

⁸ Inmebat imay propita, “Anggan iter mod siak so kapalduay kayamanan mo, ag ak milad sika, odino say oninom o mangan ed sayan lugar,

Maung a Balita Biblia

⁸ Inmebat imay propita, Anggan iter mod siak so kapalduay kayamanan mo, ag ak milad sika, odino say oninom o mangan ed sayan lugar,

1 Saray Arari 13:8 Referans Kwoze

Saray Bilang 24:13

anggan iter mod siak iray amin a pilak tan balituk na palasiom, ag kon balut nayarian a sumlangen so ganggan na Katawan diad pangonur kod labay kon dili. Salitaen ko labat so labay na Katawan a paibagad siak.”

Saray Bilang 22:18

Balet inmebat si Balaam, “Anggan iter ed siak nen Balak iray amin a pilak tan balituk na palasio to, ag kon balut nayarian a sumlangen so anggan sankamelagan a ganggan na Katawan a Dios ko.

Marcos 6:23

Sinambaan to nin inkuan, “Iter kon iter ed sikay kerewen mo, anggan say kapaldua na nanarian ko!”

Marcos 6:11

No onsabi kayod pasen ya anggapoy toon mangawat o ondengel ed sikayo, taynan kid man tan pokpok yoy dabuk ed saray sali yo, a tanda na maoges a ginawa ra.”

2 Saray Arari 5:16

Inmebat si Eliseo, “Diad ngaran na mabilay a Katawan a panlilingkuran ko, ag ak mangawat na antokaman a rigalo.” Ipapasoot nen Naaman ya iter, balet ag to awaten.

Exodo 7:2

Ibagam ed Aaron iray amin ya iganggan kod sika, tan ibaga tod ari ya abuloyan to ray Israelita a taynan day bansa to.

Exodo 5:6

Diad saman met lamlamang ya agew, ingganggan na ari iray opisyal ya Egipsio tan saray kapatas ya Israelita:

Exodo 5:3

Inmebat ira di Moises tan Aaron, “Say Dios na saray Hebreo et impatnag toy sikaton dili ed sikami. Abuloyan mo kami pan onlad kalawakan na taloran agew, ta mangibagat kamid man ed Katawan a Dios mi. No ag mi ya sumpalen a ganggan to, ompatey kamid salot o bakal ya ipadalan to.”

1 Saray Arari 13:9

ta ingganggan na Katawan ya ag ak mangan o oninom, tan ag ak ondalan ed dalan a dinalan ko no ompawil ak.”

Saray Bilang 22:8

Inkuanen Balaam ed sikara, “Ogip kayo la diad sayan labi, et nabwas ibagak ed sikayo so salitaen na Katawan ed siak.” Kanyan naogip lad kawalaan nen Balaam ira may pangulo da ray Moabita.

Saray Salmo 141:4

Iyarawi mo ak pad pampilalek a manggaway maoges, o diad pikasakey ed kaogsan na saray totoon maoges. Ag ak komun mibabalid saray pista ra.