1 Saray Arari 13:34 - Maung A Balita Biblia

³⁴ Kasalanan nen Jeroboam yan ginawa to, tan lapud saya sikatoy makasengeg na inkaderal tan inkaandipat na panoley na saray kabyangay boleg to.

Maung a Balita Biblia

³⁴ Kasalanan nen Jeroboam yan ginawa to, tan lapud saya sikatoy makasengeg na inkaderal tan inkaandipat na panoley na saray kabyangay boleg to.

1 Saray Arari 13:34 Referans Kwoze

1 Saray Arari 14:10

Lapud saya deralen koy boleg mo tan pateyen kon amin iray lakin kabyangay boleg mo, malangwer may matakken. Paandipaten koy pamilyam; magmaliw iran singa dotak a pinoolan na sakey a too.

1 Saray Arari 12:30

Kanyan nankasalanan iray totoo diad iyaakar dan mangigalang ed Betel tan diad Dan.

2 Saray Arari 17:21

Kayarin impansian na Katawan so Israel tan Juda, impagmaliw na saray Israelita ya ari ra si Jeroboam a lakin anak nen Nebat. Impaikaindan nen Jeroboam ed sikara so Katawan da, insan inlagyat to ran manggaway ambelat a kasalanan.

Probirbio 13:6

Say inkatonung iyaagel to ray anggapoy kasalanan, balet say kaogsan dederalen to ray managkasalanan.

2 Saray Arari 10:31

Balet aliwan masimoon so impangonur nen Jehu ed saray ganggan na Katawan, say Dios na Israel; inalig to ingen si Jeroboam ya angilagyat a nankasalanan so Israel.

1 Saray Arari 12:26

Inkuantod sikaton dili, “No onya lan onyay nagagawa ya onlad Jerusalem iray totook a mangibagat ed Katawan diad Timplod man, naayat iran migampid kinen Ari Roboam na Juda, insan da ak pateyen.”

1 Saray Arari 14:1

Diad saman a panaon nansakit si Abias a lakin anak nen Ari Jeroboam.

1 Saray Arari 14:16

Ikaindan na Katawan so Israel, lapud nankasalanan si Jeroboam tan inlagyat ton nankasalanan iray totood Israel.”

1 Saray Arari 15:26

Nanggagaway kaogsan ed arap na Katawan tan inlagyat ton nankasalanan so Israel, a singa ginawa nen ama to.

1 Saray Arari 21:22

Saray kabyangay pamilyam magmaliw iran singa saray kabyangay pamilya di Jeroboam a lakin anak nen Nebat tan Ari Baasa a lakin anak nen Ahias, lapud impanpasnuk mo ak diad impangilagyat mon mankasalanan iray taga Israel.’

2 Saray Arari 10:29

Balet inalig toy kasalanan nen Ari Jeroboam ya angilagyat ed saray Israelita a nankasalanan diad impangigalang dad saray balituk a bakan kalakyan ya impasen to rad Betel tan diad Dan.

Jeremias 28:16

Kanyan, ibabagay Katawan a paandipaten to ka. Ompatey kad sayan taon, ta imbagam ed saray totoo ya onlaban irad Katawan.”

Oseas 10:8

Naderal iray altar ed toktok na pokdul na Aven a dimay pangigagalangan na saray totoo ed saray talintaoy diriyos. Natubuan na masabit a tanaman tan dikarika iray altar da. Saray totoo iyeyag dad saray palandey, “Iyamut yo kami!” tan diad saray kapokdulan iyeyag da, “Tabunan yo kami!”

1 Saray Arari 14:7

Laka ta ibagam ed kinen Jeroboam ya onyay kuan ed sikato na Katawan a Dios na Israel, ‘Pinili ta kad saray totoo tan ginawa ta kan manoley ed saray totook ya Israelita.

1 Saray Arari 14:11

Kanen na saray aso so siopaman ya ompatey ed siudad a kabyangay pamilyam, tan siraen na saray manok a buitri so siopaman ya ompatey ed maawang ya alog. Siak a Katawan so nansalita.’”

1 Saray Arari 15:25

Diad kumadwan taon na panooley nen Ari Asa na Juda, nagmaliw ya arid Israel si Nadab a lakin anak nen Ari Jeroboam, tan nanoley a duay taon.