1 Saray Arari 13:2 - Maung A Balita Biblia

² Diad panangonur tod Katawan imay propita, inkuanto, “O altar, altar, onyay inkuan na Katawan: Nianak ed pamilya nen David so sakey a lakin ogaw a manngaran na Josias. Pateyen tod tapew mo ray paparin managlingkur ed saray paganon altar tan mangibabagat irad sika; poolan to met ed tapew mo ray pokel na inaatey a totoo.”

Maung a Balita Biblia

² Diad panangonur tod Katawan imay propita, inkuanto, O altar, altar, onyay inkuan na Katawan: Nianak ed pamilya nen David so sakey a lakin ogaw a manngaran na Josias. Pateyen tod tapew mo ray paparin managlingkur ed saray paganon altar tan mangibabagat irad sika; poolan to met ed tapew mo ray pokel na inaatey a totoo.

1 Saray Arari 13:2 Referans Kwoze

Ezekiel 36:1

Say Katawan kuanto, “Sika a toon ompatey, mansalita kad kapalandeyan na Israel tan ibagam ya ondengel ira ed ibabagak ed sikara,

Lucas 19:40

Inmebat si Jesus, “Kuankod sikayo a no ontonda ra, saray bato so oneyag.”

Ezekiel 38:4

Papoliktaren ko, insan ko tagaan so songut to, tan igayugoy kon iyarawi a pati amin a sondalo to. Sarayan sondalo ton amayamay a kaiba ray kabayo ra et akasamper tan akaispada so balang sakey ed sikara tan wala ray akakabayo a nampaparay kawes dan para bakal.

Ezekiel 36:4

Natan sirin dengel yoy ibabagak, siak a Katawan a Dios, ed sikayo ran kapalandeyan tan kapokdulan, sikayo ran kolus tan patar, sikayo ran pasen ya ataynan ya aderal-deral, sikayo ran ataynan tan asamsaman a siudad tan binabalaw na amin da ray kaliber-liber a bansa.

Jeremias 22:29

O dalin, dalin, dalin! Dengel yoy inkuan na Katawan:

Isaias 58:1

Say Katawan kuanto, “Eyag kayod anggaay nayarian yo! Ibaga yod saray totook ya Israelita iray kasalanan da!

Isaias 46:10

Nanlapud gapo impasakbay koy pansumpalan; abayag ko lan impasakbay no antoy nagawa. Imbagak a nasumpal a nasumpal iray planok; imbagak a gawaen kon gawaen iray amin a ginetmak a gawaen.

Isaias 42:9

Tinmua la natan iray impapasakbay ko. Ibagak ed sikayo natan iray balon bengatla anggan kasakbayan na igapoy pakagawa ra.”

Isaias 1:2

Inkuan na Katawan, “Sikayon tawen tan mundo, dengel yoy ibagak! Linmaban ed siak iray pinabaleg kon anak.

2 Saray Awaran 34:1

Waloy taon nen Josias nen nagmaliw ya ari ed Juda, tan nanoley ed Jerusalem na talomplo tan sakey taon.

1 Saray Arari 13:32

Ontuan ontua ira may sinalita to, lapud ganggan na Katawan, sumpad altar ed Betel tan saray amin a panangigalangan a pasen ed saray baley na Samaria.”

Deuteronomio 32:1

“Tawen tan dalin, dengel yo ray salitak, dengedengel yoy ibagak.

2 Saray Awaran 34:3

Nen kumawalon taon na panooley nen Ari Josias, nen ogaogaw ni, ginapwan to lan inggalang so Dios na laki ton Ari David. Kayariy apat taon ginapwan ton dinederal iray pasen a panangigalangan na saray pagano, saray tanda na diosan Asera, tan saray arum nin talintaoy diriyos.

Jeremias 1:2

Akisalitay Katawan ed kinen Jeremias nen kumalabintaloy taon na panaarid Juda nen Josias a lakin anak nen Amon.