1 Saray Arari 12:26 - Maung A Balita Biblia

^26-27 Inkuantod sikaton dili, “No onya lan onyay nagagawa ya onlad Jerusalem iray totook a mangibagat ed Katawan diad Timplod man, naayat iran migampid kinen Ari Roboam na Juda, insan da ak pateyen.”

Maung a Balita Biblia

^26-27 Inkuantod sikaton dili, No onya lan onyay nagagawa ya onlad Jerusalem iray totook a mangibagat ed Katawan diad Timplod man, naayat iran migampid kinen Ari Roboam na Juda, insan da ak pateyen.

1 Saray Arari 12:26 Referans Kwoze

Juan 12:19

Inkuan sirin na saray Pariseo ed sakey tan sakey, “Anggapo lay nagawaan tayo! Nengneng yo, ontotombuk la ray amin a totood sikato!”

Lucas 7:39

Nen anengneng ya na samay Pariseon angimbita, inkuantod sikaton dili, “No tuan propita yan too, kabat to komun no siopa yan bii so mandiriwit ed sikato—sakey a makasalanan!”

Isaias 7:9

Aliwan mabiskeg so Israel nen say Samaria a manonan baley to, tan say Samaria aliwan mabiskeg nen si Ari Peca. “No aliwan malet so pananisiam, ag ka makapansiansia.”

Saray Salmo 14:1

Saray makulang-kulang a totoo kuandad sikaran dili, “Anggapoy Dios!” Maoges ira tan makapataktakot iray ginagawa ra, anggapoy anggan sakey so manggagaway kamaungan.

2 Saray Awaran 20:20

Diad kabkabwasan ed ontombuk ya agew saray totoo linma rad kalawakan ya asingger ed Tecoa. Legan dan oonla, nanalagey si Josafat tan kuantod sikara, “Totood Juda tan Jerusalem! Manmatalek kayod Katawan a Dios yo, et ag kayo napasoner. Manisia kayod saray ibabaga da ray propita to, et manalo kayo.”

1 Saray Arari 11:38

Wala ak lawas ed sika no sigput ya onuren mo ak tan gawaen moy linawak diad panumpal mod saray ganggan tan saray bilin ko a singa ginawa nen David ya aripen ko. Gawaen ta kan ari na Israel tan pansiansiaen ko a saray kabyangay boleg mo so onsalat ed sikan manoley, a singa samay ginawak ed kinen David.

1 Samuel 27:1

Inkuanen David ed sikaton dili, “Onsabiy agew a pateyen ak nen Saul. Say sankaabigan a gawaen ko et say ibatik kod Filistia. Tondaan to ak ed satan ya anapen ed Israel, et niarawi ak ed kaatapan.”

1 Saray Arari 12:25

Si Ari Jeroboam na Israel niliber toy padir so baley na Sikem diad nipokdul a luyag na Efraim tan nanayam diman ya agano. Tinmaynan diman tan niliber toy padir so baley na Penuel ya inalisan to.

1 Saray Arari 15:17

Nilooban nen Baasa so Juda tan ginapwan ton paliberan na padir so Rama, pian anggapoy makaonla o makapaway ed Juda.

2 Saray Arari 13:2

Inalig toy Ari Jeroboam ya akaonan nanoley nen say sikato, nankasalanan ed Katawan tan inlagyat ton nankasalanan so Israel; ag to tinondaan a ginagawa so kaogsan to.

Probirbio 14:12

Say dalan ya abaloan mon duga et nayarin mamaarap ed patey.