1 Saray Arari 11:4 - Maung A Balita Biblia

⁴ et masiken la nen naayat dan mangigalang ed saray diriyos na arum a bansa. Ag to naaligay ama ton David a matoor ed Katawan a Dios to.

Maung a Balita Biblia

⁴ et masiken la nen naayat dan mangigalang ed saray diriyos na arum a bansa. Ag to naaligay ama ton David a matoor ed Katawan a Dios to.

1 Saray Arari 11:4 Referans Kwoze

1 Saray Arari 9:4

No panlingkuran mo ak diad katooran tan kasantosan a singa impaglingkur nen amam a David tan onuren mon amin iray bilin tan saray ganggan ko,

1 Saray Arari 8:61

Sikayo ran totoo to, matoor kayo komun lawas ed Katawan a Dios tayo, maonur ed saray ganggan tan saray bilin to, a singa gagawaen yo la natan.”

1 Saray Awaran 28:9

Insan inkuantod kinen Solomon, “Anak ko, nia so bilin kod sika: birbir moy Dios nen amam tan panlingkuran mod intiron pusom tan mabolbolus a linawa. Amta to ray amin a kanunotan tan saray pilalek tayo. No ondago kad sikato, awaten to ka; balet no ibeneg mo, ando lan andon ikaindan to ka.

1 Saray Arari 11:6

Nankasalanan ed Katawan, kanyan ag to naaligay ama ton David a matoor ed Katawan.

2 Saray Awaran 34:2

Ginagawa toy makapaliket ed Katawan; inalig to ray ginagawa nen laki ton Ari David, ta mapeget ton inonur ya amin iray ganggan na Dios.

2 Saray Awaran 17:3

Binindisionan na Katawan si Josafat, lapud inalig toy akaonan impanbilay nen ama to, tan ag to angigalang ed Baal.

1 Saray Arari 11:2

Inasawa to ra, anggaman ya ingganggan na Katawan ed saray Israelita ya ag ira mangasawa o miasawa ed sarayan totoo, ta tanggoyuren dan mangigalang ed arum a diriyos iray Israelita.

Deuteronomio 17:17

Say ari ag nepeg ya amayamay iray asawa to, ta sikato yay makasengeg na iyarawi tod Katawan; nepeg ya ag mampayaman na pilak tan balituk.

2 Saray Awaran 25:2

Ginagawa toy makapaliket ed Katawan, balet aliwan maseseg ed saya.

1 Saray Awaran 29:19

Itdan mo pay anak kon Solomon na impapuson pilalek a mangonur na amin a ganggan tan bilin mo, pian nipaalagey to so Timplo a saray onkana et imparaan ko la.”

2 Saray Arari 20:3

“Nunot mo pa, Katawan, a matoor tan masimoon so impanlingkur kod sika, tan sinumpal ko lawas iray labay mon pagawad siak.” Insan inggapo toy nanakis na ampaipait.

1 Saray Arari 15:14

Nansiansian matoor ed Katawan si Asa legan na impanbilay to, anggan ag to dineral ya amin iray paganon pasen a panangigalangan.

1 Saray Arari 15:3

Ginawa to ray kasalanan a ginagawa nen ama to tan aliwan sigput a matoor ed Katawan a Dios to; ag to naaligan si laki tod dapan a si David.

1 Saray Arari 14:21

Apataplo tan sakey so taon nen Roboam a lakin anak nen Solomon nen nagmaliw ya ari na Juda, tan nanoley na labinpitoy taon ed Jerusalem, say siudad a pinili na Katawan ed intiron dalin na Israel a pangigalangan ed sikato. Si Naama a taga Ammon so ina nen Roboam.

1 Saray Arari 11:42

Nanayam ya ari ed Jerusalem legan ton nanoley ed intiron Israel na apataploy taon.

1 Saray Arari 11:38

Wala ak lawas ed sika no sigput ya onuren mo ak tan gawaen moy linawak diad panumpal mod saray ganggan tan saray bilin ko a singa ginawa nen David ya aripen ko. Gawaen ta kan ari na Israel tan pansiansiaen ko a saray kabyangay boleg mo so onsalat ed sikan manoley, a singa samay ginawak ed kinen David.

1 Saray Arari 9:10

Duamploy taon ya impaalagey nen Solomon so Timplo tan say palasio to.

1 Saray Arari 6:1

Inggapo nen Solomon ya impaalagey so Timplo nen kayariy apat a lasus tan walomplon taon manlapud samay agew a tinaynan na saray Israelita so Egipto, tan legan na kumapat a taon a panaari nen Solomon, diad bulan na Sib a kumadwan bulan na taon.

Deuteronomio 7:4

ompan tangguyoren da ray anak yon mangikaindan ed Katawan et mangigalang irad arum a diriyos. No ontan so nagawa, makapasnuk ed sikayo so Katawan tan pateyen to kayon tampol.

1 Saray Arari 3:3

Inaro nen Solomon so Katawan tan sinumpal to ray bilibilin nen ama ton David, balet nampapatas met na saray amayamay ya ayayep tan imbabagat to rad nandoroman altar.

1 Saray Arari 11:9

Anggaman ya amidwan pinmayawar ed kinen Solomon so Katawan a Dios na Israel tan ingganggan tod sikaton ag mangigalang ed saray diriyos na arum a bansa, ag tinmoluk si Solomon ed sikato; inarawian to ni ingen. Kanyan akapasnuk so Katawan ed kinen Solomon,

Exodo 20:3

“Ag mo igagalang iray arum a diriyos; siak labat so igalang mo.

1 Saray Arari 11:33

Gawaen ko ya, ta impolisay ak nen Solomon tan angigalang ed Astarte a diosa na Sidon, Cemos a dios na Moab, tan Milcom a dios na Ammon. Ag ak inonur nen Solomon; ag to inalig si ama ton David a nanggaway katonungan tan angonur ed saray ganggan tan saray bilin kod sikato.