1 Saray Arari 11:37 - Maung A Balita Biblia

³⁷ Gawaen ta ka, Jeroboam, ya ari na Israel, tan manoley ka ed amin a lugar a labay mo.

Maung a Balita Biblia

³⁷ Gawaen ta ka, Jeroboam, ya ari na Israel, tan manoley ka ed amin a lugar a labay mo.

1 Saray Arari 11:37 Referans Kwoze

2 Samuel 3:21

Insan inkuanen Abner ed kinen David, “Onla ak la a mananggoyur ed saray amin a totood Israel a migampi la rad sika. Awaten da kan manari ed sikara, et nagamuran mod satan so pilalek mon manoley ed intiron bansa.” Insipan nen David ed kinen Abner ya anggapoy maniwit ed sikato, insan to la pinaonla.

1 Saray Arari 11:26

Say sakey nin linmaban ed kinen Ari Solomon et say sakey ed saray opisyal to, si Jeroboam a lakin anak nen Nebat tan taga Sereda na Efraim. Balon manngaran na Zerua so ina to.

Deuteronomio 14:26

Igastos yo yan kuarta ed antokaman a labay yo—baka, kordiro, alak, odino antokaman a makabuek—tan diman, diad arap na Katawan a Dios yo, sikayo tan saray kabyangay pamilya yo et akan yo may sinaliw yo tan manliket kayo.

1 Saray Arari 11:36

Iter koy sakey a tribu ed lakin anak nen Solomon, pian nawalaan ak lawas na kabyangay boleg nen aripen kon David a manoley ed Jerusalem, say pinilik a siudad a pangigalangan ed siak.

1 Saray Arari 11:38

Wala ak lawas ed sika no sigput ya onuren mo ak tan gawaen moy linawak diad panumpal mod saray ganggan tan saray bilin ko a singa ginawa nen David ya aripen ko. Gawaen ta kan ari na Israel tan pansiansiaen ko a saray kabyangay boleg mo so onsalat ed sikan manoley, a singa samay ginawak ed kinen David.

1 Saray Arari 12:20

Nen nadngelan na saray totood Israel a pinmawil lay Jeroboam a nanlapud Egipto, binagaan dan mitongtong ed saray totoo, insan da ginawan ari na Israel. Saray kabyangan labat na tribu nen Juda so nansiansian matoor ed saray kabyangay boleg nen David.

1 Saray Arari 14:7

Laka ta ibagam ed kinen Jeroboam ya onyay kuan ed sikato na Katawan a Dios na Israel, ‘Pinili ta kad saray totoo tan ginawa ta kan manoley ed saray totook ya Israelita.