1 Saray Arari 11:33 - Maung A Balita Biblia

³³ Gawaen ko ya, ta impolisay ak nen Solomon tan angigalang ed Astarte a diosa na Sidon, Cemos a dios na Moab, tan Milcom a dios na Ammon. Ag ak inonur nen Solomon; ag to inalig si ama ton David a nanggaway katonungan tan angonur ed saray ganggan tan saray bilin kod sikato.

Maung a Balita Biblia

³³ Gawaen ko ya, ta impolisay ak nen Solomon tan angigalang ed Astarte a diosa na Sidon, Cemos a dios na Moab, tan Milcom a dios na Ammon. Ag ak inonur nen Solomon; ag to inalig si ama ton David a nanggaway katonungan tan angonur ed saray ganggan tan saray bilin kod sikato.

1 Saray Arari 11:33 Referans Kwoze

1 Saray Arari 11:9

Anggaman ya amidwan pinmayawar ed kinen Solomon so Katawan a Dios na Israel tan ingganggan tod sikaton ag mangigalang ed saray diriyos na arum a bansa, ag tinmoluk si Solomon ed sikato; inarawian to ni ingen. Kanyan akapasnuk so Katawan ed kinen Solomon,

Oseas 4:17

Saray totood Israel et wala rad silong na pakaoley da ray talintaoy diriyos. Paolyan mo ra labat ed labay da.

Jeremias 2:13

ta duaray nankasalanan na saray totook: inkaindan da ak, siak a sobul na mabilay a danum; nankokotkot ira na saray bobun, saray bobun a nanletak kanyan ag makakargay danum.

2 Saray Awaran 15:2

insan linman inmabet ed Ari Asa. Inkuanto, “Dengel mo ak, Ari Asa, tan amin yon totood Juda tan Benjamin! Mansiansiad sikayo so Katawan, legan a mansiansia kayo ed sikato. No anapen yoy Katawan iyabuloy ton naalmo yo, balet no ibeneg yo ikaindan to kayo.

1 Saray Awaran 28:9

Insan inkuantod kinen Solomon, “Anak ko, nia so bilin kod sika: birbir moy Dios nen amam tan panlingkuran mod intiron pusom tan mabolbolus a linawa. Amta to ray amin a kanunotan tan saray pilalek tayo. No ondago kad sikato, awaten to ka; balet no ibeneg mo, ando lan andon ikaindan to ka.

1 Saray Arari 3:14

Et no mambilay ka onung na linawak, no onuren mo ray ganggan tan saray bilin ko a singa ginawa nen amam a David, itdan ta ka na andokey a bilay.”

Saray Bilang 21:29

Pakaskasi kayo la, sikayon taga Moab! Aderal-deral kayo la, sikayon manangigalang ed Kemos! Inyabuloy na dios yo a nadakep na arum a bansa iray lalaki, Tan saray bibii adakep ira na ari na saray Amorreo.

1 Samuel 7:3

Inkuanen Samuel ed saray totood Israel, “No impapusoy ipawil yod Katawan, nakaukolan ya ibantak yo la ray diriyos na saray arum a bansa tan saray talintao nen diosan Astarot. Isaklang yod Katawan so sikayon dili tan sikato labat so panlingkuran yo, et ekalen to kayo ed pakayari na saray Filisteo.”

1 Saray Arari 11:34

Balet ag ko ekalen so intiron nanarian ed kinen Solomon, tan pansiansiaen kon manoley legan ton mambibilay, lapud kinen pinilik a David ya aripen kon angonur na saray ganggan tan saray bilin ko.

1 Saray Arari 14:8

Inekal koy nanarian ed saray kabyangay boleg nen David tan inter kod sika. Balet ag mo naaligan si aripen kon David a sigput so inkatoor tod siak, inonur to ray ganggan ko, tan say matonung labat so ginawa to ed arap ko.

Jeremias 48:7

“Moab, nanmatalek kad biskeg tan kayamanan mo, balet natan pati sika so naalan nadakep, naalan nibantak ed arum a bansa so dios mon Camos, naala met iray pati prinsipi to tan saray papari to.

Jeremias 48:13

Diad satan saray taga Moab ibaing day dios dan Camos a singa samay inkabaingan da ray Israelita ed Betel, sakey a dios a nanmatalkan da.

Sofonias 1:5

Pateyen koy toon oonlad toktok na abung a mangigalang ed agew, bulan, tan saray bitewen. Pateyen ko met iray mangigagalang ed siak, tan mansasamban matoor ed siak, balet kabekta mansamba ra ed ngaran na dios a Moloc.

1 Saray Arari 11:4

et masiken la nen naayat dan mangigalang ed saray diriyos na arum a bansa. Ag to naaligay ama ton David a matoor ed Katawan a Dios to.

2 Saray Arari 1:3

Balet ingganggan na sakey ya anghil na Katawan si Elias, say propitan taga Tisbe, ya onla ta abeten to ra may imbaki nen Ari Ahazias tan tepeten tod sikara, “Anggapo ta lay Dios na Israel, et onla kayon mangipanon ed Baalzebub a dios na Ekron?

2 Saray Arari 21:22

Impolisay toy Katawan, say Dios na saray lalaki to, tan ag to inonur iray ganggan na Katawan.

Jeremias 2:11

Wala tay bansan sinalatan to ray diriyos to, anggaman ya aliwan petepeteg iray diriyos da? Balet insalat ak na saray totook, say Dios ya angiter ed sikara na kagalangan; insalat da ak ed saray diriyos ya anggapoy nagawaan dan para sikara.