1 Saray Arari 11:3 - Maung A Balita Biblia

³ Angasawa na piton lasus a prinsisa tan angyamung ni na talon lasus ya arum iran bibii. Tinanggoyur dan onarawi ed Dios,

Maung a Balita Biblia

³ Angasawa na piton lasus a prinsisa tan angyamung ni na talon lasus ya arum iran bibii. Tinanggoyur dan onarawi ed Dios,

1 Saray Arari 11:3 Referans Kwoze

Ecclesiastes 7:28

Nananap ak na arum ya ebat, balet anggapoy arumog ko. Arumog kon sanlibo so sakey a laki a nayarin galangen ko, balet anggapoy anggan sakey a bii.

2 Saray Awaran 11:21

Labinwalon amin iray asawa nen Roboam tan anemaplo ray inyaamung ton bibii. Duamplo tan walon lalaki tan anemaplon bibii iray ilalak to. Si Maaca so sankainaroan to ed amin da ray asawa to.

Saray Huis 9:5

Linmad abung nen ama to ed baley na Ofra tan diad tapew na sakey a bato, pinatey to ra may pitomplon agagi ton lalaki ya anak nen Gedeon. Balet akaamut si Jotam a sankayogtanan ya anak nen Gedeon, kanyan ag apatey.

Deuteronomio 17:17

Say ari ag nepeg ya amayamay iray asawa to, ta sikato yay makasengeg na iyarawi tod Katawan; nepeg ya ag mampayaman na pilak tan balituk.

Kanta nen Solomon 6:8

Anggaman anemaplo so riyna na ari, walomploy iyaamung ton bibii, tan ag nabilang iray eegnaan ton mamarikit,

Kanta nen Solomon 6:9

balet siak, saksakey so inarok, tan singa balibalin malapati. Bukbukor to so biin anak nen ina to; nidoma-domay panangaro nen ina to ed sikato. Amin da ray bibii et onnenengneng irad sikato tan idadayew da; saray riyna tan saray bibiin iyaamung et ikankanta ray dayew to.

Saray Huis 3:6

Akikiasawaan irad sikara tan angigagalang irad saray diriyos da.

Ester 1:18

No narengelan na kaasawaan na saray opisyal na Persia tan Media so ginawa na riyna, ibaga rad kaasawaan da so nipaakar ed agawa kasakbayan ya onselek so agew. Saray bibii ed inerman a pasen et ag da pagalangan so kaasawaan da, tan saray lalaki et mampasnuk irad kaasawaan da.

Ecclesiastes 2:8

Nantipon ak na amayamay a pilak tan balituk a nanlapud saray kayamanan na ari diad saray dalin a nanoleyan ko. Wala ray lalaki tan bibiin nankakanta tan nansasayaw a pamaliket dad siak. Walad siak ya amiy bibiin niamung na too.