1 Saray Arari 11:22 - Maung A Balita Biblia

²² Balet tinepet na ari, “Akin? Walay kinulangan kod sika, kanyan labay mo lay onsempet?” “Abuloyan mo ak labat ya onla,” ebat nen Hadad ed ari. Kanyan pinmawil ed dilin bansa to si Hadad. Maoges tan mapalalon kalaban na Israel si Hadad ya ari na Edom.

Maung a Balita Biblia

²² Balet tinepet na ari, Akin? Walay kinulangan kod sika, kanyan labay mo lay onsempet? Abuloyan mo ak labat ya onla, ebat nen Hadad ed ari. Kanyan pinmawil ed dilin bansa to si Hadad. Maoges tan mapalalon kalaban na Israel si Hadad ya ari na Edom.

1 Saray Arari 11:22 Referans Kwoze

Lucas 22:35

Insan inkuanen Jesus ed sikara, “Nen imbaki ta kayo ya anggapoy awit yon pitaka, bayung, o sapatos, wala tay anggan antokaman a kinulangan yo?” “Anggapo,” ebat da.

Marcos 14:31

Lalon makmakpel ya inmebat si Pedro, “Ag kon balut ibagan ag ta ka kabat, anggan kaiba ta kan pateyen da!” Onya met so imbaga na amin da ray arum a disipulo.

Jeremias 2:31

Dengel kayod ibagak, amin yon totood Israel. Nagmaliw ak ta a singa kalawakan ed sikayo odino singa dalin ya ambilonget tan walay kaatapan? Akin sirin, totook, et ibabaga yon gawaen yoy labay yo, tan ag kayo la ompawil ed siak?

Saray Salmo 37:8

Ag ka mapaspasnuk o mapagpaga; gunigon labat so pansumpalan to.

1 Saray Arari 11:21

Nen nadngelan nen Hadad ed Egipto so balitan inatey lay David tan si Joab a pangulo na saray sondalo, inkuantod kinen ari, “Abuloyan mo pan ompawil ak ed dilin bansak.”

1 Saray Arari 11:23

Tinanggoyur met na Dios ya onlaban ed kinen Ari Solomon si Rezon a lakin anak nen Eliada. Imbatikan nen Rezon si amo ton Ari Hadadezer na Zoba,

Probirbio 27:8

Say toon arawi ed abung to singa manok ya arawi ed obung to.