1 Saray Arari 10:22 - Maung A Balita Biblia

²² Wala ray bapor ton ombibiahid Tarsis a kaiba da ray bapor nen Hiram. Kapag kayariy taloy taon ompawil iran sankaawit da ray balituk, pilak, garing, tan saray bakes ya ankelag tan ankabaleg.

Maung a Balita Biblia

²² Wala ray bapor ton ombibiahid Tarsis a kaiba da ray bapor nen Hiram. Kapag kayariy taloy taon ompawil iran sankaawit da ray balituk, pilak, garing, tan saray bakes ya ankelag tan ankabaleg.

1 Saray Arari 10:22 Referans Kwoze

1 Saray Arari 22:48

Wala ray barko nen Josafat a para biahid dalin na Ofir, ta manalay balituk; balet aderal irad Ezion-geber, kanyan ag la ra nambiahin balut.

Saray Salmo 72:10

Saray arari na Espanya tan saray arari na saray isla et mangiter irad sikato na saray rigalo; saray arari na Arabia tan Etiopia et mangiter irad sikato na saray bagat.

Saray Salmo 48:7

singa saray bapor ya ipapalig-palig na maksil a bagyo.

Genesis 10:4

Saray lalakin anak nen Javan sikara di Elisa, Espanya, Chipre, tan Dodanim.

Isaias 66:19

tan nakabatan da a siak so manudusad sikara. “Balet mangikera ak na pigarad sikara tan ibakik irad saray bansa tan diad saray ararawin dalin ya ag da ni nadngel so inkabantug ko odino anengneng so inkatalonggaring ko tan pakayarik: diad Espanya, Libia, tan Lidia a pati saray marunong a pumapana to, tan diad Tubal tan Grecia. Diad sarayan bansa ibawag day inkatalonggaring ko.

Isaias 60:9

Bapor iran manlalapud arawi ran bansa, Sankaawit da ray onsempet lan totoo na Dios. Sankaawit na saray totoo so balituk tan pilak A pamagalang ed ngaran na Katawan, Say masanton Dios na Israel, Ya impagmaliw ton galangen na amin a bansa iray totoo to.

Isaias 23:10

Sikayo ran totood saray dalin a sakop na Espanya, laka yo lan ondalus ed kaalogan yo, ta anggapo lay manebel ed sikayo.

Isaias 23:6

Managogul kayod ermen, sikayon taga Fenicia! Sali yoy ombatik ed Espanya!

Isaias 23:1

Sikato yay pasakbay ed dalin na Tiro. Managogul kayod ermen, sikayon managbiahid bapor! Aderal lay puirto yod Tiro; aderal-deral la ray kaabungan tan saray puirto to. Diad ipapawil yo manlapud Chipre, narerengelan yo yan balita.

Isaias 2:16

Ipalereg to ray anggan sankabalegan tan sankarakepan a bapor.

2 Saray Awaran 9:21

Wala ray bapor ton ombibiahid Tarsis a kaiba da ray bapor nen Ari Hiram. Kapag kayariy taloy taon ompawil iran sankaawit da ray balituk, pilak, garing, tan saray bakes ya akekelag tan ankakabaleg.

Jonas 1:3

Balet sananey a dalan so inarap to, ta labay ton ibatikan so Katawan. Linmad Jope a dimay akanengnengan to na sakey a bapor ya onla lad Espanya. Kayari ton binayaran so pasahi to, linmogan ed samay bapor a kaiba to ray tripulanti ya onlad Espanya a diman to naarawian so Katawan.

Amos 3:15

Deralen ko ray kaabungan a para panaoy ambetel tan saray kaabungan a para panaoy tiagew. Natumban naderal-deral iray abung a dinokoraan na garing; naderal ya amin iray ankakabaleg a kaabungan.”

Ezekiel 27:12

“Nannigosio ka ed Espanya tan nansempet ka na pilak, balatyang, lata, tan ismay a bayar na saray dakel a lakom.

Say Libro nen Job 39:13

Agaylay peles na pamparakpak na saray payak na manok ya abistrus! Balet anggapoy abistrus a makatikyab a singa dulakak.

1 Saray Arari 10:18

Nanggawa met na baleg a tronon garing tan inokupan to na sankaabigan a balituk.

1 Saray Arari 9:26

Nanggawa met si Solomon na amayamay a barko diad Ezion-geber ya asingger ed Elot diad gilig na Dayat na Akaba tan sakop na dalin na Edom.

1 Saray Arari 10:21

Balituk ya amin iray kupa nen Solomon, tan puron balituk ya amin iray ikakana ed baleg a kuarton tatawagey Takel na Libano. Anggapoy pilak ya inkana, ta diad panaon nen Solomon aliwa nin mabli so pilak.

Ezekiel 27:15

Saray totood Rodes et akinigosio rad sika; saray totood saray dalin a walad gilig na dayat et insusumbat dad saray lakom iray garing tan pasingil na ilipanti ra.

1 Saray Arari 22:49

Insan imbaga nen Ari Ahazias na Israel a mambiahid bapor iray totoo to a kaolup da ray totoo nen Josafat, balet ag inmabubon si Josafat.