1 Saray Arari 10:11 - Maung A Balita Biblia

¹¹ Likud ed saray balituk ya inawit na saray barko nen Hiram nen kasabi ran nanlapud Ofir, nanawit met iray amayamay a tablan sandalo tan alahas.

Maung a Balita Biblia

¹¹ (Likud ed saray balituk ya inawit na saray barko nen Hiram nen kasabi ran nanlapud Ofir, nanawit met iray amayamay a tablan sandalo tan alahas.

1 Saray Arari 10:11 Referans Kwoze

Saray Salmo 45:9

Saray arum a bibiid palasiom et anak na saray arari, tan manalalagey so riyna ed nikawanay tronom, ya akaalahas na puron balituk.

2 Saray Awaran 8:18

Inyakaran nen Ari Hiram na saray bapor a tinoonan na saray dilin opisyal tan saray marunong a mariniro to. Binmiahi ra ed dalin na Ofir a kaiba da ray opisyal nen Solomon tan angisempet irad kinen Solomon na ngalngali labinanem a toniladan balituk.

2 Saray Awaran 2:8

Amtak a marunong a mambatang na kiew iray totoom, kanyan paiyakaran mo ak pa dia na saray troson sidro, saleng, tan sandalo na Libano. Sipaparaan ak a mangibaki na totook ya ontulong ed sikara

1 Saray Arari 10:12

Inkana nen Solomon ira yan tabla ed impanggawa tod saray barandilyas ed Timplo tan diad palasio, tan inkana to ra met ed impanggagawa to na saray arpa tan saray saltirio a para saray tumutogtog tan saray kumakanta. Sankaabigan yan tablan sandalo a nilakod Israel; anggapo niy singa onyan anengneng ya anggad natan.)

Say Libro nen Job 22:24

Ibantak mo ray balituk mo; tan ibasuram ed nakatan a kelas iray sankaabigan a balituk mo.

1 Saray Awaran 1:23

Ofir, Havila, tan Jobab.

2 Saray Awaran 2:7

Mangibaki ka pa dia sirin na sakey a lakin marunong a mantatak tan mankimey ed balituk, pilak, gansa, tan balatyang, tan marunong met a manggaway asul, purpura, tan ambalangan abel. Mankimey a kaiba to ray marunong a kumikimey a taga Juda tan Jerusalem a pinili ra nen saman nen amak a David.