1 Saray Arari 10:10 - Maung A Balita Biblia

¹⁰ Insan samay riyna na Seba initdan toy Solomon na ngalngali limaran toniladan balituk tan saray amayamay a rikado tan alahas. Diad amin da ray rikadon naawat nen Solomon ed anggan anton panaon, sankarakelan ira yay inter to. (

Maung a Balita Biblia

¹⁰ Insan samay riyna na Seba initdan toy Solomon na ngalngali limaran toniladan balituk tan saray amayamay a rikado tan alahas. Diad amin da ray rikadon naawat nen Solomon ed anggan anton panaon, sankarakelan ira yay inter to.

1 Saray Arari 10:10 Referans Kwoze

1 Saray Arari 10:2

Sinmabin kaiba to ray amayamay ya aripen, pati saray kamilyo a napnoy beneg da na saray rikado, alahas, tan balituk. Nen kaarap toy Solomon, intepet to lay amin a nanunotan to.

Mateo 2:11

Kaloob dad abung anengneng day ogaw tan si Maria ya ina to. Dinmakmomo ran angigalang ed samay ogaw. Impaway da ray awit dan rigalo a balituk, insinso, tan mira, insan da inter ed sikato.

Saray Salmo 72:15

Andokey komun so bilay na ari! Naitdan komun na balituk a manlapud Arabia; nipikasi komun lawas; nabindisionan komun lawas na Dios!

Saray Salmo 72:10

Saray arari na Espanya tan saray arari na saray isla et mangiter irad sikato na saray rigalo; saray arari na Arabia tan Etiopia et mangiter irad sikato na saray bagat.

1 Saray Arari 9:14

Ngalngalin limaran toniladan balituk so impaiyakar nen Hiram ed kinen Solomon.

Exodo 30:34

Say Katawan kuantod kinen Moises, “Mangala ka na nampaparan karakel na onggendan a masamit a rikado—istakti, onika, galbanum, tan puron olibanum.

Genesis 43:11

Inkuanen ama ra, “No ontan so nepeg a nagawa, onyay gawa yo sirin: Mangawit kayoy sankamaungan iran bungay dalin, ikarga yod saray balkut yo, tan irigalo yo rad satay gobirnador: pigaran pasas, daiset a dilo, saray rikado, alponsigo, tan almindra.

Puyan 21:11

Maliwliwawa yan siudad lapud walad sikatoy kagalangay Dios; mankidyam a singa alahas a haspi, tan malinew a singa kristal.

Probirbio 20:15

No amtam so sasalitaen mo, walaan ka na bengatlan mabli ni nen say balituk o alahas.

Saray Salmo 68:29

manlapud Timplom ed Jerusalem, a pangyaakaran da ray arari na saray rigalo rad sika.

Ecclesiastes 2:8

Nantipon ak na amayamay a pilak tan balituk a nanlapud saray kayamanan na ari diad saray dalin a nanoleyan ko. Wala ray lalaki tan bibiin nankakanta tan nansasayaw a pamaliket dad siak. Walad siak ya amiy bibiin niamung na too.