1 Saray Arari 1:53 - Maung A Balita Biblia

⁵³ Kanyan angibakiy Ari Solomon, na amaepas ed kinen Adonias. Linmad ari tan dinmakmomod arap to a pamagalang to, tan kuan na arid sikato, “Nayarian mo lay onsempet.”

Maung a Balita Biblia

⁵³ Kanyan angibakiy Ari Solomon, na amaepas ed kinen Adonias. Linmad ari tan dinmakmomod arap to a pamagalang to, tan kuan na arid sikato, Nayarian mo lay onsempet.

1 Saray Arari 1:53 Referans Kwoze

Probirbio 24:21

Anak ko, igalang moy Katawan tan pagalangan moy ari. Ag ka mibabalid saray totoon onlalaban ed sikara.

1 Saray Arari 2:36

Insan impatawag na ari si Simei tan kuantod sikato, “Mangipaalagey kad Jerusalem na abung mo. Manayam kad man tan ag ka ompapaway ed baley.

1 Saray Arari 1:31

Dinmakmomo si Bat-seba a pamagalang to tan kuanto, “Mambilay komun ed ando lan ando so Kagalang ya Ari!”

1 Saray Arari 1:16

Dinmakmomo si Bat-seba a pamagalang tod ari, insan tinepet na ari ed sikato, “Antoy labay mo?”

2 Samuel 14:28

Diad duay taon ya impanayam nen Absalom ed Jerusalem, ag ton balut anengneng so ari.

2 Samuel 14:24

Balet ingganggan na ari ya ag manayam ed palasio si Absalom. Inkuanto, “Ag ko labay a nanengneng so lupa to.” Kanyan nanayam ed dilin abung to si Absalom tan ag akiarapan ed ari.

2 Samuel 1:2

Diad mikatlon agew sinmabiy sakey a balolakin nanlapud kampo nen Saul. Diad pangipanengneng toy ermen to pinipilat toy kawes to tan ininan toy dabuk so olo to. Linmad kinen David tan dinmakmomo ya anggad dalin a pamagalang to.

1 Saray Arari 1:52

Inmebat si Solomon, “No ipanengneng ton matoor ed siak, anggapoy maoges a nagawad sikato, balet no andi, nepeg a pateyen.”

1 Saray Arari 2:1

Nen magano lan ompatey si David, binilin toy anak ton Solomon.

2 Samuel 14:33

Kanyan linmay Joab ed kinen ari tan imbaga toy sinalita nen Absalom. Impatawag na ari si Absalom; dinmagoy Absalom tan dinmakmomo ya anggad dalin diad arap na ari. Inawat na ari si Absalom tan inanguban to.