1 Saray Arari 1:48 - Maung A Balita Biblia

⁴⁸ tan kuanto, ‘Idayew tayoy Katawan a Dios na Israel, ta diad sayan agew ginawa toy sakey ed saray kabyangay pamilyak a manarin onsalat ed siak, tan inyabuloy ton anengneng ko nin agawa ya!’”

Maung a Balita Biblia

⁴⁸ tan kuanto, Idayew tayoy Katawan a Dios na Israel, ta diad sayan agew ginawa toy sakey ed saray kabyangay pamilyak a manarin onsalat ed siak, tan inyabuloy ton anengneng ko nin agawa ya!

1 Saray Arari 1:48 Referans Kwoze

1 Saray Arari 3:6

Inmebat si Solomon, “Balbaleg a panangaroy inter mod kinen amak a David ya aripen mo, ta maung, matoor, tan matonung so impanbilay tod arap mo. Intuloy mo nin inter ed sikato yan baleg tan ag naoman a panangaro diad impangiter mod sikatoy sakey ya anak a lakin manooley natan a kasalat to.

1 Pedro 1:3

Nagalang komuy Dios tan Ama na Katawan tayon Jesu-Cristo! Lapud baleg a panangasiy Dios Ama, initdan to itayoy balon bilay diad panamegley na inkiolid bilay nen Jesu-Cristo. Sayan balon bilay so angiter ed sikatayoy mabilay ya ilalo,

TAGA-EFESO 1:3

Nagalang komuy Dios tan Ama na Katawan tayon Jesu-Cristo, ta initdan to itayo na amin a maispiritun bindision ed katawenan, lapud pikakasakey tid Cristo.

Daniel 4:34

“Kalabas na pitoy taon,” inkuan na ari, “tinmangay ak ed tawen, et pinmawil ed siak so kalakal ko. Inggalang ko, indayew ko, tan intandurok so Sankatageyan a Dios a mambibilay ed anggad angga. “Sikato so manoley ed anggad angga, tan mansiansia ed ando lan ando so panarian to.

Probirbio 17:6

Saray mamasiken ikikinon da ray apo ra, a singa saray anak a lalaki ikikinon da ray kaamaan da.

Saray Salmo 145:2

Agew-agew a misalamat ak ed sika; anggad-angga ya idayew ta ka.

Saray Salmo 41:13

Idayew yoy Katawan a Dios na Israel! Idayew yo ya anggad angga! Amen! Amen!

Saray Salmo 34:1

Misalamat ak lawas ed Katawan; ag ak ontondan mangidayew ed sikato.

Nehemias 9:5

Saray onggendan a Levita tinawag dan mangigalang iray totoo: Jesua, Cadmiel, Bani, Hasabnias, Serebias, Hodias, Sebanias, tan Petahias. Inkuanda: “Alagey kayo tan idayew yoy Katawan a Dios yo; idayew yo ed ando lan ando! Idayew komun na balang sakey a too sa mapagalang a ngaran to, anggaman ya aliwan nagnap so panangigalang na too.”

1 Saray Awaran 29:20

Insan ingganggan nen David ya amin iray totoo, “Igalang yoy Katawan a Dios yo!” Kanyan inggalang na amin da ra may totoon nantitipon so Katawan a Dios na saray lalaki ra. Tinmewek ira diad impangigalang dad Katawan tan diad impangidayew dad ari.

1 Saray Awaran 29:10

Diman ed arap na saray atiptipon a totoo indayew nen David so Katawan. Inkuanto, “Katawan a Dios na laki min Jacob, nadayew ka komun ed ando lan ando!

1 Saray Awaran 17:17

Balet natan, lalon dakel ni so gagawaen mo; nansipan kay nipaakar ed saray kabyangay pamilyak diad arapen a panaon. Sika, Katawan a Dios, et ipapasen mo ak lan singa sakey a toon matalonggaring.

2 Samuel 24:3

Balet inmebat si Joab ed ari, “Kagalang kon Ari, say Katawan a Dios mo et parakelen to komun a maminlasus so totoo to, andokey ni komuy bilay mo, pian nanengneng moy panggawa tod saya. Balet akin et pabibilang mo ray totoo?”

2 Samuel 7:12

No ompatey ka tan nipompon kad kawalaan da ray lalakim, gawaen kon ari so sakey ed saray anak mo tan pabiskegen koy nanarian to.

Genesis 14:20

Nagalang komun so Sankatageyan a Dios ya angiter ed sikay pananalod saray kalaban mo.” Inter nen Abram ed kinen Melkisedek so kakaplo na amin ya asamsam to.

1 Samuel 25:32

Inkuanen David ed sikato, “Nagalang so Katawan, say Dios na Israel, ya angibakid sikan mangabet ed siak natan!

1 Saray Arari 1:49

Insan tinmakot iray bisita nen Adonias, kanyan inmalagey iran amin tan nagsitaynan la ran amin.

1 Saray Arari 2:4

No onuren mo ray ganggan to, sumpalen met na Katawan so sipan tod siak a manoley ed Israel iray kabyangay boleg ko, legan a mabolbolus tan matoor iran mangonur ed saray ganggan to.

1 Saray Arari 8:20

“Sinumpal natan na Katawan yan sipan to; sinalatan kon manarid Israel si amak a David, tan nipaalagey koy timplon pangigalangan ed Katawan a Dios na Israel.