1 Saray Arari 1:3 - Maung A Balita Biblia

³ Nananap ira ed intiron dalin na Israel na sakey a magangganan marikit, et nalmo ray Abisag a taga Sunem. Inyakar da sirin ed ari.

Maung a Balita Biblia

³ Nananap ira ed intiron dalin na Israel na sakey a magangganan marikit, et nalmo ray Abisag a taga Sunem. Inyakar da sirin ed ari.

1 Saray Arari 1:3 Referans Kwoze

Josue 19:18

Say dalin da et sakop toy Jezreel, Kesulot, Sunem,

Ester 2:4

Insan ka mamilid satan na kalikaliktan mod sikara, tan pagmaliw mon riyna a kasalat nen Vasti.” Apaknaan na ari a maung yan simbawa, kanyan tinombuk to.

Ester 2:2

Kanyan inkuan ed sikato na pigarad saray sumisimbawa to a maasingger ed sikato, “Akin et ag ka mamaanap na pigaran magangganan mamarikit?

2 Saray Arari 4:8

Aminsan ya agew, linmay Eliseo ed baley na Sunem a dimay panaayaman na sakey a biin mayaman. Binagaan na sayan biin mayaman a mangan si Eliseo, tan nanlapud saman diman la mamangan si Eliseo kapag onlad saman a baley.

1 Samuel 28:4

Nantitipon iray sondalo na Filistia tan nankampo rad asingger ed baley na Sunem; tinipon nen Saul iray Israelita tan nankampo rad Palandey na Gilboa.

2 Saray Arari 4:25

Pinmikal sirin tan amaarap ed Palandey na Carmelo, a dimay panaayaman nen Eliseo. Arawi ni may bii, anengneng la nen Eliseo, kanyan kuantod si aripen ton Giezi, “Nengneng mo—nitan la may biin taga Sunem!

1 Saray Arari 1:2

Kanyan inkuan ed sikato na saray opisyal to, “Kagalang ya Ari, iyabuloy mon mananap kamiy marikit a nakaibam tan manasikasod sika. Ondokul ed abay mo, pian napetangan ka.”

1 Saray Arari 1:4

Ontan lay ganggana to, tan pinagaan tan inasikaso toy ari; balet ag inakdulan na ari.