1 Samuel 9:6 - Maung A Balita Biblia

⁶ Inmebat imay aripen, “Alagar ka! Walay sakey a toon masanto ed sayan baley. Bibirbiren da yan too, ta ontutua ray amin ya ibabaga to. Laen ta, ta ag la pigan nibaga to no iner so pakalmoan tad saramay asno.”

Maung a Balita Biblia

⁶ Inmebat imay aripen, Alagar ka! Walay sakey a toon masanto ed sayan baley. Bibirbiren da yan too, ta ontutua ray amin ya ibabaga to. Laen ta, ta ag la pigan nibaga to no iner so pakalmoan tad saramay asno.

1 Samuel 9:6 Referans Kwoze

Deuteronomio 33:1

Saraya so bindision ya inter nen Moises a too na Dios ed saray Israelita kasakbayan na impatey to.

1 Saray Arari 13:1

Lapud ganggan na Katawan, linmad Betel a nanlapud Juda so sakey a propita tan asabian ton manalalagey ed abay na altar si Jeroboam a mangibabagat.

1 Timoteo 6:11

Balet sikan tooy Dios, paliisan mo ra yan amin. Seetan mon tombukey katonungan, kasantosan, pananisia, panangaro, panaganos, tan kinaoyamo.

1 TESALONICA 5:13

Iter yod sikaray sankabalgan a panamagalang tan panangaro lapud kimey a gagawaen da. Gawa yon mareen so panoolup yo.

1 TESALONICA 2:10

Natasian yo, ontan met na Dios, a nambilay kamin masanto, matonung, tan anggapoy pakabalawan ed impipiolup mid sikayo ran mananisia.

Mateo 24:35

Naandipat so tawen tan dalin, balet ag balut naandipat iray salitak.”

Isaias 44:26

Balet no walay ipasakbay na aripen ko, no walay ibakik a mangipaamta na saray planok gagawaen kon ontua ira man a pasakbay tan planok. Ibabagak ed Jerusalem a manayam lamet iray totood man, tan ibagak ed saray siudad na Juda a nipaalagey ira lamet. Onalagey lamet iray siudad ya aderal-deral.

2 Saray Arari 6:6

“Naplagan to?” tepet nen Eliseo. Intoro na samay too so pasen, insan amoter si Eliseo na bislak, imbontuk tod danum imay bislak tan pinaletaw to may oloy wasay.

1 Samuel 2:27

Linmad kinen Eli so sakey a propita a nankuan, “Onyay papaibagay Katawan: ‘Nen si lakim ya Aaron tan say pamilya to et aripen iray ari na Egipto, impaamtak ed sikara so siak a dili.

Genesis 24:42

“Nen sinmabi ak ed bobun diad sayan agew, impikasik, ‘Katawan a Dios nen amok ya Abraham, iyabuloy mo pan maung so pansumpalan na sayan gagawaen ko.

1 Samuel 9:8

Inmebat imay aripen, “Walay awit ko dian sakey a melag a pilak. Nayarian kon iter, et ibaga to no iner so pakalmoan tad saray asno.”

2 Samuel 15:27

Intuloy ton inkuan ed kinen Sadoc, “Sigi, awit moy Ahimaaz ya anak mo tan si Jonatan ya anak nen Abiatar; pawil ki lan walay kareenan ed siudad.

2 Saray Arari 5:8

Nen nadngelan nen Eliseo so agawa, impaibaga tod ari: “Akin et nagugunigon ka? Ibakim ed siak itay too, ta ipanengneng kod sikaton walay propita ed Israel!”

Saray Salmo 25:12

Saray matoluk ed Katawan et naamtaan dad sikato so dalan a nepeg dan tombuken.