1 Samuel 9:5 - Maung A Balita Biblia

⁵ Nen akakar irad dalin na Zaf, inkuanen Saul ed aripen a kaiba to, “Onsempet ta la, ta ompan tondaan la nen amak a nunoten iray asno tan sikata lay pampagaan to.”

Maung a Balita Biblia

⁵ Nen akakar irad dalin na Zaf, inkuanen Saul ed aripen a kaiba to, Onsempet ta la, ta ompan tondaan la nen amak a nunoten iray asno tan sikata lay pampagaan to.

1 Samuel 9:5 Referans Kwoze

1 Samuel 10:2

No taynan mo ak ed sayan agew, nasabat moy duaran lalaki diad abay na lobuk nen Raquel diad Selsa, diad pasen a sakop nen Benjamin. Ibaga rad sika a nalmo la ra may asno ya aanapen mo, kanyan ag la ra pampapagaan nen amam no ag ingen sika natan so pampapagaan to. Pitepet to, ‘Anto kasiy gawaen kon nipaakar ed samay anak ko?’

1 Samuel 1:1

Walay sakey a lakin manngaray Elcana, a taga baley na Rama diad nipokdul a dalin na Efraim. Kabyangay tribu nen Efraim, anak nen Jeroham tan apo nen Eliu, a kabyangay pamilya nen Tohu, a kabyangay boleg nen Zuf.

Lucas 12:11

“No awiten da kayon akusaen ed saray sinagoga o diad arap da ray gobirnador o arum iran manoley, ag yo pampapagaan no panoy pangyagel yod sikayon dili o no antoy ibaga yo.

Lucas 12:22

Inkuanen Jesus ed saray disipulo to, “Sikato yay makasengeg na pangibabagaan kod sikayo ya ag kayo mapagpagad pambilay yo, no antoy kanen yo, o antoy ikawes yo.

Mateo 6:28

“Tan akin et mapagpaga kayod ikawes yo? Imano yo pa no panoy ibabaleg da ray rosas a balang. Ag ira mankikimey; ag ira manggagaway ikawes da.

Mateo 6:25

“Sikato yay makasengeg na pangibabagaan kod sikayo ya ag kayo mapagpagad pambilay yo, no antoy kanen tan inomen yo, o antoy ikawes yo. Ag ta mamabli niy bilay nen say kakanen? Ag ta mamabli niy laman nen say kawes?

Mateo 6:34

Ag kayo sirin mapaga ed nakaukolan yo nabwas, ta say ontombuk ya agew makaoley lad saray dilin kapagaan to. Ag yo la iyaarum ed sayan agew iray kapagaan nabwas.”