1 Samuel 9:3 - Maung A Balita Biblia

³ Aminsan ya agew, abalang iray pigaran asno nen Cis. Kanyan inkuantod anak ton Saul, “Mangitagar kay sakey ed saray aripen tan laka yon mananap ed saray asno.”

Maung a Balita Biblia

³ Aminsan ya agew, abalang iray pigaran asno nen Cis. Kanyan inkuantod anak ton Saul, Mangitagar kay sakey ed saray aripen tan laka yon mananap ed saray asno.

1 Samuel 9:3 Referans Kwoze

1 Samuel 10:2

No taynan mo ak ed sayan agew, nasabat moy duaran lalaki diad abay na lobuk nen Raquel diad Selsa, diad pasen a sakop nen Benjamin. Ibaga rad sika a nalmo la ra may asno ya aanapen mo, kanyan ag la ra pampapagaan nen amam no ag ingen sika natan so pampapagaan to. Pitepet to, ‘Anto kasiy gawaen kon nipaakar ed samay anak ko?’

Saray Huis 10:4

Walay talomplon lalakin anak to a talomplon asnoy loganan da. Walay talomplon siudad da ed dalin na Galaad, a natatawag ni ra na saray bario nen Jair.

Saray Huis 5:10

Salita yoy nipaakar ed saya, sikayo ran managkabayod ampotin asno, a manyodyodyorung ed saray silya, tan sikayo ran nepeg a manakar inermay laen yo.

1 Samuel 9:2

Walay anak ton laki a manngaray Saul; malangwer ni, atagey ni na sankarangan nen amin da ray totood Israel, tan sankaguapuan ed sikara.

1 Samuel 9:4

Linma rad kapokdulan a dalin na Efraim tan diad dalin na Salisa, balet ag da ra naalmo; kanyan linma rad dalin na Saalim, balet andid man ira may asno. Linma ra sirin ya anggad pasen a sakop nen Benjamin, balet siansian ag da ni ra naalmo.

1 Samuel 9:20

No nipaakar ed saray asno a taloy agew la ran abalang, ag yo la ra pampapagaan; nalmo la ra. Balet siopay pampilpilalekan na saray totood Israel? Sika—sika tan say pamilya na amam.”

1 Samuel 10:14

Say pangamaen nen Saul anengneng toy Saul tan samay aripen to, tan tinepet tod sikara, “Nanlapwan yo?” “Anapen mi ray asno,” ebat nen Saul. “Nen ag mi ra narumog, linma kamid kinen Samuel.”