1 Samuel 7:6 - Maung A Balita Biblia

⁶ Kanyan nantitipon iran amin ed Mizpa. Angala ray danum tan imbales dan imbagat ed Katawan, tan nanayuno ran sanagew. Inkuanda, “Nankasalanan kamid Katawan.” (Diad Mizpa so nansintinsiaan nen Samuel ed saray kolkolan da ray Israelita.)

Maung a Balita Biblia

⁶ Kanyan nantitipon iran amin ed Mizpa. Angala ray danum tan imbales dan imbagat ed Katawan, tan nanayuno ran sanagew. Inkuanda, Nankasalanan kamid Katawan. (Diad Mizpa so nansintinsiaan nen Samuel ed saray kolkolan da ray Israelita.)

1 Samuel 7:6 Referans Kwoze

2 Samuel 14:14

Ompatey itayon amin; aliling tayoy danum a naibung ed dalin, ya ag la nakupkup. Anggan say Dios ag to la pabibilayen iray inatey a totoo, balet nayarian na ari a papawilen so toon nibantak ed arum a bansa.

1 Samuel 1:15

Inmebat, “Aliwak ak pan abuek. Ag ak inminom na alak no ag ingen maermen ak a maung. Mampipikasi ak tan ibabagak ed Katawan iray gunigon ko.

Saray Huis 10:10

Insan tinmawag ed Katawan iray Israelita tan inkuanda, “Nankasalanan kamid sika, ta inkaindan mi ka, O Dios mi, insan kami angigagalang ed saray Baal.”

Joel 2:12

“Balet anggan natan,” kuay Katawan! “masimoon kayon magbabawi tan pawil kayod siak a manaayuno, mannangnangis, tan maneermen kayo.

Jeremias 9:1

Bobun na danum la komun yay olok, tan sobul na lua iray matak, pian makapanakis ak ed agew tan labi lapud saray totood bansak ya apatey-patey.

Saray Salmo 106:6

Nankakasalanan kami, a singa ginawa da ray lalaki mi; nanggagawa kamiy kaogsan tan kabaglan.

Saray Salmo 62:8

Sikayon totook, manmatalek kayod Dios diad amin a panaon. Ibaga yod sikatoy amin a gunigon yo, ta sikatoy salimbeng tayo.

Lucas 15:18

Say maung, ompawil ak ed amak tan akoen koy impankasalanan kod Dios tan diad sikara.

Saray Salmo 119:136

Singa ilog a managos iray lua ed matak, lapud ag oonuren na saray totoo so ganggan mo.

1 Saray Arari 8:47

dengel mo pa ray pikakasi na saray totoom. No diad saman a dalin et magbabawi ra tan mampikasi rad sika, ipatwa ray inkakasalanan tan inkaoges da, dengel mo pay pikakasi ra, O Katawan.

Ezekiel 20:4

“Sika a toon ompatey, akaparaan ka la a manintinsia ed sikara? Sintinsiaan mo la ra sirin. Ipanunot mod sikaray makapaingungot a ginagawa na saray lalaki ra.

Saray Tagleey 3:49

“Ag ontondan onagos so luak

Saray Tagleey 2:11

Ambalbalanga lan maung iray matak lapud kakaakis ko; nagugunigon so kamarerwak. Makolkolaney ak lad ermen lapud inkaderal na saray totook. Napupunaw ed saray dalan na siudad iray ogogaw tan saray kapangyanak.

Jeremias 31:19

Inmarawi kami ed sika, balet kabebekta nilabay miy ompawil. Kayari mo kamin dinusa, nanampat kami lapud ermen na pagbabawi. Ambaing kami, lapud saray kasalanan mi nen wala kami nid kalangweran.’

Saray Salmo 42:3

Agew-labin manakakis ak, tan saray luak labat so pambibilay ko; saray kalaban ko et pitepet da, “Iner so kawalaay Dios mo?”

Saray Salmo 6:6

Makapkapoy ak lad paneermen ko; nilabi-labin nababasa so dokulan ko, tan naleleteb na luak so danganan ko lapud panaakis ko.

Say Libro nen Job 42:6

Kanyan nababaingan ak lapud amin ya imbagak tan magbababawi diad dabuk tan dapul.

Say Libro nen Job 40:4

“Katawan, nansalita ak na andi-kabaliksan. Antoy niebat ko ni? Pepetan ko lay songut ko.

Say Libro nen Job 33:27

Ibaga tod arap na saray totoo, ‘Nankasalanan ak. Maoges iray ginagawak, balet pinirdona ak na Dios.

Say Libro nen Job 16:20

Babalawen ak na kakaarok; manterter iray luak ed Dios.

Nehemias 9:27

kanyan inyabuloy mon nadakep tan naoleyan ira na saray kalaban da. Nen wala rad segsegang kinmerew irad sika na tulong, et manlapud tawen dinengel mo ra. Lapud baleg a panangasim initdan mo ra na saray pangulo ya angyaagel ed sikarad saray kalaban da.

2 Saray Awaran 20:3

Ataktakot si Josafat kanyan kinerew ton iwanwan na Katawan. Insan to ingganggan a nagaway ayuno ed intiron bansa.

Saray Huis 3:10

Linmoob ed sikato so ispiritu na Katawan, tan nagmaliw a pangulo da ray Israelita. Akibakal si Otniel, et impanalo na Katawan ed ari na Mesopotamia.

Levitico 26:40

“Balet saray kabyangay boleg yo ipatua da ray kasalanan da tan saray kasalanan da ray lalaki ra ya anumlang tan linmaban ed siak,

Genesis 31:49

Inkuan met ni nen Laban, “Bantayan ita komun na Katawan legan a nanarawiyan ita.” Kanyan atawag met iman a pasen na Mispa.

Levitico 16:29

Saray onggendan a totontonen et nepeg a tombuken ira ya anggan kapigan man a panaon. Diad kumaplon agew na kumapiton bulan, saray Israelita tan saray sangkailin manaayam ed kawalaan da et nepeg a manayuno ra tan ag ira mankimey.

1 Samuel 7:15

Legan a nambilay si Samuel, inoleyan toy Israel.

Jeremias 36:9

Nen kumasiam a bulan na kumaliman taon na panaarid Juda nen Joakim, nanayuno iray totoo pian naala ray maung a linaway Katawan. Akibiang ed sayan ayuno iray amin a manaayam ed Jerusalem tan amin da ray linmad man a nanlapud saray baley na Juda.

Josue 18:26

Mizpa, Cefira, Moza,

Saray Huis 2:4

Nen imbaga ya na samay anghil na Katawan, inmakis ya amin iray Israelita,

Saray Huis 10:15

Balet saray totood Israel kuandad Katawan, “Nankasalanan kami. Gawam so labay mon gawaen, balet iliktar mo kami pa natan.”

Saray Huis 20:26

Insan amin da ray Israelita linma rad Betel tan nanermen ira. Nanirung irad man ed arap na Katawan tan ag iran balut angan anggad labi. Angisaklang ira na saray bagat a popoolan tan saray bagat a para kareenan—insaklang da ra yan amin ed arap na Katawan.

1 Samuel 10:17

Impantitipon nen Samuel ed Mizpa iray totoo, diad ngaray Katawan,

1 Samuel 12:10

Insan kinmerew iray tulong ed Katawan tan kuanda, ‘Nankasalanan kami, ta impolisay mi ka, Katawan, tan nanlingkur kamid saray talintaoy diriyos di Baal tan Astarot. Iyagel mo kami pad saray kalaban mi, et panlingkuran mi ka!’

1 Saray Awaran 11:18

Saramay taloran bantug a sondalo et pinasoot day sinmelak ed kampo da ray Filisteo, angala ray danum ed bobun, insan da inter ed kinen David. Balet ag to inomen, no ag ta inkalbo ton imbagat ed Katawan

Say Libro nen Job 3:24

Ag ak mamangan lapud ermen ko; ag ontonday panay-ay ko.

Saray Tagleey 5:16

Anggapo lay nakdaan ed amin da ray ikikinon mi. Nankasalanan kami, kanyan pangaskasiyay kipapasen mi natan.

Oseas 5:1

“Dengel kayod sayan salita, sikayo ran papari! Manimano kayo, sikayo ran totood Israel! Dengel kayo, sikayon kabyangay pamilya na ari! Nepeg yo komun so manintinsia onung ed katonungan—kanyan sikayo so nasintinsiaan a nadusa! Nagmaliw kayon patit diad Mizpa, nagmaliw kayon sakey ya iket ya akapanat ed Palandey na Tabor;