1 Samuel 5:6 - Maung A Balita Biblia

⁶ Mapalaloy impanusa na Katawan ed saray taga Asdod, tan pinatakot to ra. Dinusa to ra tan saray totood kaliber-liber dan pasen diad panamegley na inkapelpelsaan da.

Maung a Balita Biblia

⁶ Mapalaloy impanusa na Katawan ed saray taga Asdod, tan pinatakot to ra. Dinusa to ra tan saray totood kaliber-liber dan pasen diad panamegley na inkapelpelsaan da.

1 Samuel 5:6 Referans Kwoze

1 Samuel 5:11

Kanyan angibaki ra lamet na manawag ed amin da ray limaran arari na Filistia. Nen atipon la ran lima, inkuanda, “Iyakar yoy Kaban na Sipanan na Dios ed pasen ton dili, pian ag to tayo pateyen tan saray pamilya tayo.” Walay gewgew ed intiron siudad, ta dudusaen iran maung na Dios.

Saray Gawgawa 13:11

Natan, sikay dusaen to. Nabulag ka, tan mabayag na daiset so ag mo pakanengneng ed liwaway agew!” Aliknan tampol nen Elimas a singa walay sinmakub ya andeket a kelpa ed saray mata to, kanyan kumarapas a mananap na mangitabin ed sikato.

Saray Salmo 32:4

Agew-labin dinudusa mo ak, Katawan; nakal lan sigput so biskeg ko, a singa bengatlan ambasa a pinamagay petang ed panaoy tiagew.

Deuteronomio 28:27

Say Katawan paletawen toy pelsa ed laman yo, a singa samay ginawa tod saray Egipsio. Nagiri so intiron laman yo. Napanoy kegang so laman yo, onggatel ya amiy baog yo, balet ag kayo onabig.

Exodo 9:3

dusaen ta ka diad pangipadalan ko na ambelat a salot ed saray amin ya ayayep yo—saray kabayo yo, saray asno yo, saray kamilyo yo, saray baka yo, saray karniro yo, tan saray kanding yo.

Saray Salmo 78:66

Pinapoliktar to ray kalaban to; andi-anggaan tan makapabaing so inkatalo ra.

1 Samuel 5:7

Nen anengneng day nagagawa, inkuanda, “Say Dios na Israel et dudusaen to itayo tan say dios tayon Dagon. Ag tayo la nayarin panayamen dia tay Kaban na Sipanan.”

Say Libro nen Job 31:3

Ipapadalan toy deral tan kairapan ed saray managgaway kaogsan.

1 Samuel 5:9

Balet kasabi tod man, dinusa met na Katawan iman a siudad, tan ginewgew ton maung iray totood man. Dinusa to ra diad panamegley na inkapelpelsaan na amin a totood siudad, mamatakken man o mamalangwer.

Saray Salmo 145:20

Iyaagel to ray amin a maarod sikato, balet deralen to ray amin a totoon maoges.

Saray Salmo 147:6

Itatanduro to ray mapaabeba, balet ibabasig tod dalin iray totoon maoges.

Genesis 41:31

Nalingwanan imay panaon na inawa, ta ontombuk so mapalalon eras.