1 Samuel 5:10 - Maung A Balita Biblia

¹⁰ Kanyan impaiyakar day Kaban na Sipanan ed siudad na Ecron. Kasabi tod man, ineyag na saray totoo, “Inyakar da diay Kaban na Sipanan na Dios na Israel a mamatey ed sikatayon amin!”

Maung a Balita Biblia

¹⁰ Kanyan impaiyakar day Kaban na Sipanan ed siudad na Ecron. Kasabi tod man, ineyag na saray totoo, Inyakar da diay Kaban na Sipanan na Dios na Israel a mamatey ed sikatayon amin!

1 Samuel 5:10 Referans Kwoze

Amos 1:8

Ekalen kod pakaoley iray manoley ed saray siudad na Asdod tan Askelon. Dusaen koy siudad na Ekron, tan ompatey ya amin iray Filisteo ya atilak.”

2 Saray Arari 1:2

Aminsan ya agew si Ari Ahazias na Israel apattak a nanlapud balkon na toktok na palasio to ed Samaria tan mapalaloy inkasakitan to. Angibaki sirin na saray mangipanon ed Baalzebub a dios na siudad na Ekron ed Filistia, ta amtaen da no kasi onabig ni odino andi la.

Saray Huis 1:18

Tinulongan na KATAWAN iray totoo nen Juda, kanyan asakup da ray kapokdulan a dalin. Balet ag da alooban iray Gaza, Ascalon, tan Ecron, pati saray kaliber-liber dan pasen. Sarayan totoon manaayam ed gilig na dayat et wala ray balatyang a karwahi ra, kanyan ag ira apataynan na saray totood Juda.

Josue 15:45

Wala met so siudad dan Ecron a pati saray baley tan saray bario to,

Josue 13:3

ontan met ed intiron dalin a sakop na saray Avim ya anggad abalaten. (Say dalin a manlapud kolus na Sihor, diad ketegan na Egipto ya anggad baybay diad ketegan na Ekron et sakop na saray Cananeo; saray ari na Filistia et manaayam irad Gaza, Asdod, Askelon, Gat, Ekron.)

1 Samuel 5:9

Balet kasabi tod man, dinusa met na Katawan iman a siudad, tan ginewgew ton maung iray totood man. Dinusa to ra diad panamegley na inkapelpelsaan na amin a totood siudad, mamatakken man o mamalangwer.

1 Samuel 5:11

Kanyan angibaki ra lamet na manawag ed amin da ray limaran arari na Filistia. Nen atipon la ran lima, inkuanda, “Iyakar yoy Kaban na Sipanan na Dios ed pasen ton dili, pian ag to tayo pateyen tan saray pamilya tayo.” Walay gewgew ed intiron siudad, ta dudusaen iran maung na Dios.

2 Samuel 7:9

Kaiba ta ka ed anggan iner a nilam, tan tinalok iray kalaban mo diad indogpam. Gawaen ta kan matalonggaring a singa saray sankatalonggaringan a pangulod intiron mundo.

Josue 15:11

Ontuloy so ketegan ed pokdul a nibaybay na Ecron, onlikon mamaarap ed Sikeron, insan ondalan ed Palandey na Baala, tan ontuloy ed Jamnia. Say ketegan mansamput ed Dayat na Mediteraneo,

1 Samuel 6:1

Kayariy pitoy bulan ya impanayam ed Filistia na Kaban na Sipanan na Katawan,

1 Samuel 17:52

Inoosilan ira na saray totoo ed Israel tan Juda; naneeyag ira tan inoosilan da ra ya anggad Gat tan saray puirta ed Ecron. Saray Filisteo kibalatar iran sugatan ed dalan a mamaarap ed Saaraim ya anggad Gat tan Ecron.

1 Saray Awaran 7:21

Zabad, Sutela. Wala niy duaran lalaki ya anak nen Efraim: di Ezer tan Elad. Apatey ira nen mantatakew iray bakan kayaryan na saray taga Gat.

Amos 6:2

Laka yo ta nengneng yoy siudad na Calne. Insan kayo onlad matalonan siudad na Hamat tan mampalosur kayod Filistia diad siudad na Gat. Natalonaan da kasid kaabigan iray nanarian na Juda tan Israel? Walay dalin a maawang nen say dalin yo?