1 Samuel 31:7 - Maung A Balita Biblia

⁷ Nen saray Israelitan manaayam ed biek a dapag na Patar na Jezreel tan bokig na Ilog na Jordan et nadngelan dan kibatiktik iray sondalo na Israel tan apatey si Saul tan saray anak ton lalaki, tinaynanan da ray baley da. Insan sinmabi ray Filisteo tan nanayam irad saraman a baley.

Maung a Balita Biblia

⁷ Nen saray Israelitan manaayam ed biek a dapag na Patar na Jezreel tan bokig na Ilog na Jordan et nadngelan dan kibatiktik iray sondalo na Israel tan apatey si Saul tan saray anak ton lalaki, tinaynanan da ray baley da. Insan sinmabi ray Filisteo tan nanayam irad saraman a baley.

1 Samuel 31:7 Referans Kwoze

1 Samuel 13:6

Insan pinasia ran dinogpaan iray Israelita, et pangaskasiyay kipapasen na saray Israelita. Inmaamut iray arum ed sikara diad saray ongib tan diad saray abut, diad nanleleetan na saray ankakabaleg a bato, tan diad saray araralem ya abut tan saray bobun;

Saray Huis 6:2

Mabiskeg ni ray Madianita nen saray Israelita, et kiamut-amut ed ongib iray Israelita tan diad saray arum a pasen ed kapokdulan ya arawid kaatapan.

Deuteronomio 28:33

Saray totoo na sakey a bansan ag yo amta et alaen na da ray bunga na saray tanaman a nansagputan yon pinabaleg, balet panamairap tan panamasegsegang labat so awaten yo lawas.

Levitico 26:36

“Pagmaliwen ta kayon mapalalon matakot, sikayon nibantak ed arum a bansa, kanyan anggan diad kalasakas labat na bolung ombatik ki la. Ombatik kayon singa oosilan ed bakal tan natumba kayo, anggan anggapoy kalaban ed abay yo.

Levitico 26:32

Sigput kon deralen so dalin yo kanyan nikelawan iray kalaban yon manayam diman.

1 Samuel 31:6

Onyay impatey nen Saul, saray taloran anak ton lalaki, tan samay balolaki; diad saman ya agew inaatey iray amin a totoo nen Saul.

1 Samuel 31:8

Diad kaimbuas na kayariy bakal, saray Filisteo linma ran mangalay antokaman a naala rad saray bangkay. Nalmo ray bangkay nen Saul tan saray taloran lalakin anak to a kibalatar irad Palandey na Gilboa.

1 Samuel 13:7

binaliw na saray arum so Ilog na Jordan, diad pasen a sakop na Gad tan Galaad. Wala nid Gilgal si Saul, tan manggiwgiw ed takot iray totoon kakaiba to.