1 Samuel 31:1 - Maung A Balita Biblia

¹ Saray Filisteo binakal da ray Israelita diad Palandey na Gilboa. Amayamay iray inaatey ya Israelita balet akabatik iray arum.

Maung a Balita Biblia

¹ Saray Filisteo binakal da ray Israelita diad Palandey na Gilboa. Amayamay iray inaatey ya Israelita balet akabatik iray arum.

1 Samuel 31:1 Referans Kwoze

1 Samuel 28:4

Nantitipon iray sondalo na Filistia tan nankampo rad asingger ed baley na Sunem; tinipon nen Saul iray Israelita tan nankampo rad Palandey na Gilboa.

2 Samuel 1:21

“Anggapo komuy ompelag ya oran o linaew ed saray pokdul na Gilboa; anggapo lawas komun so antokaman ya ontobo ed saray alog to. Ta saray samper na masesebeg kitongilang irad man a nakalay kagalangan; say samper nen Saul wadman ya ag la nalalarakan.

1 Samuel 29:1

Impantitipon na saray Filisteo ed Afeo iray sondalo ra, balet nanggaway kampo iray Israelita ed abay na sobul diad Patar na Jezreel.

1 Samuel 28:15

Inkuanen Samuel ed kinen Saul, “Akin et sinigensigen mo ak? Akin et pinapawil mo ak?” Inmebat si Saul, “Nagugunigonan ak a maung! Babakalen ak na saray Filisteo, tan inkaindan ak na Dios. Ag to ak la ebatan a balut, diad panamegley na saray propita, o diad saray kogip. Kanyan tinawag ta kan mangibagad siak no antoy nepeg kon gawaen.”

1 Samuel 28:1

Ag abayag, tinipon na saray Filisteo iray sondalo ra ta mibakal irad Israel. Inkuan sirin nen Akis ed kinen David, “Andi-duaruwan natalusan mo a sika tan saray totoom et nepeg a mangibad sikamin mibakal.”

1 Samuel 12:25

Balet no itoluy yoy mankasalanan, napatey kayo tan say ari yo.”

2 Samuel 1:6

Inmebat, “Nibanan wala ak ed palandey na Gilboa, tan anengneng koy Saul ya akasaral ed pika to, tan manasingger ed sikato ray karwahi tan saray akakabayon kalaban.

2 Samuel 4:4

Say sakey a kabyangay boleg nen Saul et si Mefiboset a lakin anak nen Jonatan. Limay taon to nen inatey ira di Saul tan Jonatan. Nen say balitan nipaakar ed impatey da et sinmabin nanlapud Jezreel inalay managkomis si Mefiboset tan batik; balet diad panggaganat to naplag to, kanyan alopuy.

1 Samuel 28:19

Ipalima to ka tan say Israel ed Filistia. Nabwas sika tan say anak mo et mitipon kayod siak, tan ipalima met na Katawan ed Filistia iray sondalo na Israel.”