1 Samuel 30:12 - Maung A Balita Biblia

¹² initdan da met na pigaran impamagan bungay igos tan duaran monggol a pasas. Kayari ton angan, pinmawil so gendat a biskeg to; diad imbeneg a taloy agew tan taloy labi ag balut angan o inminom.

Maung a Balita Biblia

¹² initdan da met na pigaran impamagan bungay igos tan duaran monggol a pasas. Kayari ton angan, pinmawil so gendat a biskeg to; diad imbeneg a taloy agew tan taloy labi ag balut angan o inminom.

1 Samuel 30:12 Referans Kwoze

Saray Huis 15:19

Insan nilokasan na Dios so nibobun a dalin diman ed Lehi, et pinmaway dimay danum. Inminom si Samson tan binmiskeg lamet. Kanyan samay sobul atawag na Hakkore; wadman ni ya anggad natan.

1 Samuel 14:27

Balet ag nadngel nen Jonatan so impantaktakot nen ama to diad panamegley na sakey a samba; kanyan indelnet tod kawalaay dilo so bislak a sankaawit to, tan angan na dilo. Binmiskeg a tampol.

Mateo 27:63

Inkuanda, “Nanunotan mi a nen mabilay ni man a matilan too inkuanto, ‘Onoli ak ed bilay kasumpal na taloy agew.’

Jonas 1:17

Lapud ganggan na Katawan, inakmon na balbaleg a sira si Jonas; nanayam ed dalem na eges na sira si Jonas na taloy agew tan taloy labi.

Ester 4:16

“Laka, ta pantitipon mo ray amin a Judion walad Susa; manayuno kayo tan mampikasi kayon para siak. Ag kayo mamangan odino oniinom na antokaman ed loob na taloy agew tan taloy labi. Onya met so gawaen ko tan saray bibiin managlingkur ed siak. Kayari na sayan gawaen tayo, onla ak ed ari, anggaman a sumlang ed ganggan. No nepeg ya ompatey ak, sipaparaan ak ya ompatey.”

1 Samuel 30:13

Tinepet nen David ed sikato, “Siopay amom, tan taga ka iner?” “Taga ak Egipto, tan aripen ak na sakey ya Amalecita,” ebat to. “Taloy agew lay apalabas nanlapu lad impangitilak na amok; ta nansakit ak.

1 Samuel 30:11

Saramay kaiba nen David akalmo rad bario na ogaw ya Egipsio tan inyakar dad kinen David. Pinakan tan pinainom da;

Saray Tagleey 1:11

Manayay iray totoo to legan dan manaanap na naakan da; Isasalat dad nakan so kayamanan da, pian napabiskeg ira. “Imano mo ak, Katawan,” eyag na siudad; “nengneng mo pay pangaskasiyan a kipapasen ko.”