1 Samuel 3:9 - Maung A Balita Biblia

⁹ kanyan inkuantod sikato, “Pawil kad dokulan mo, tan no tawagen to ka lamet kuanmo, ‘Mansalita ka, Katawan; onderengel so aripen mo!’” Kanyan amawil si Samuel ed dokulan to.

Maung a Balita Biblia

⁹ kanyan inkuantod sikato, Pawil kad dokulan mo, tan no tawagen to ka lamet kuanmo, Mansalita ka, Katawan; onderengel so aripen mo! Kanyan amawil si Samuel ed dokulan to.

1 Samuel 3:9 Referans Kwoze

Exodo 20:19

Inkuandad kinen Moises, “No mansalita kad sikami, ondengel kami; balet ag mo pansasalitaen ed sikami so Dios, ta ompan ompatey kami.”

Isaias 6:8

Insan nadngel kon say Katawan kuanto, “Siopay ibakik? Siopay managbalita tayo?” Inmebat ak, “Siak! Ibaki mo ak!”

Saray Salmo 85:8

Onderengel ak ed ibabagay Dios a Katawan; isisipan toy kareenan ed sikatayon dilin totoo to, no ag ti la pawilen so kaogsan tayo.

Saray Gawgawa 9:6

Alagey ka tan loob kad siudad, ta diman nibagay nepeg mon gawaen.”

Daniel 10:19

Inkuanto, “Inaro ka na Dios, kanyan ag ka natatakot no ag ingen mandeen ka tan pabiskeg moy linawam.” Kayari ton nansalita, lalon binmiskeg ak tan inkuanko, “Ibagam ed siak so labay mon ibaga. Pinabiskeg mo ak?”

1 Samuel 3:8

Pitlon tinawag na Katawan si Samuel; binmangon, linmad kinen Eli tan kuanto, “Wadya ak, ta tinawag yo ak.” Insan atalusan la nen Eli a say Katawan so manatawag ed ogaw,

1 Samuel 3:10

Sinmabi so Katawan tan nanalagey diman, tan tinawag to a singa impanawag to nen inmona, “Samuel! Samuel!” Inmebat si Samuel, “Mansalita ka; onderengel so aripen mo.”

Josue 5:14

“Andi,” ebat na samay laki. “Wadya ak a pangulo na saray sondalo na Katawan.” Tinmiblak ed dalin si Josue diad impangigalang to tan kuanto, “Siak so aripen mo. Antoy labay mon pagawad siak?”

Saray Salmo 85:9

Peteg a sipaparaay Katawan a mangilaban ed saray mangigagalang ed sikato, et mansiansia ed dalin tayo so manangilaban a kiwawala to.