1 Samuel 3:10 - Maung A Balita Biblia

¹⁰ Sinmabi so Katawan tan nanalagey diman, tan tinawag to a singa impanawag to nen inmona, “Samuel! Samuel!” Inmebat si Samuel, “Mansalita ka; onderengel so aripen mo.”

Maung a Balita Biblia

¹⁰ Sinmabi so Katawan tan nanalagey diman, tan tinawag to a singa impanawag to nen inmona, Samuel! Samuel! Inmebat si Samuel, Mansalita ka; onderengel so aripen mo.

1 Samuel 3:10 Referans Kwoze

1 Samuel 3:8

Pitlon tinawag na Katawan si Samuel; binmangon, linmad kinen Eli tan kuanto, “Wadya ak, ta tinawag yo ak.” Insan atalusan la nen Eli a say Katawan so manatawag ed ogaw,

1 Samuel 3:9

kanyan inkuantod sikato, “Pawil kad dokulan mo, tan no tawagen to ka lamet kuanmo, ‘Mansalita ka, Katawan; onderengel so aripen mo!’” Kanyan amawil si Samuel ed dokulan to.

1 Samuel 3:11

Inkuan na Katawan ed sikato, “Onsabiy agew a walay gawaen kod saray totood Israel, et siopamay makadngel na nipaakar ed saya ombegas so bago tod takot to.

1 Samuel 3:15

Nandokul ni ya anggad kabwasan si Samuel; insan binmangon tan nilukasan to ray puirta na abung na Katawan. Antakot ton ibaga ed kinen Eli so nipaakar ed payawar.

1 Samuel 3:21

Intuloy na Katawan ya ipaamta so sikaton dili ed Silo, a dimay pinayawaran tan akisalitaan tod kinen Samuel. Tan no mansalitay Samuel ondengel ya amin iray Israelita.

1 Samuel 12:2

tan natan sikato lay mangiwanwan ed sikayo. Para say siak, masiken ak la tan ampoti lay buek ko, kanyan saray anak ko lay kaiba yo. Siak so pangulo yo nanlapud lad balolaki ak ya anggad natan.

Josue 5:14

“Andi,” ebat na samay laki. “Wadya ak a pangulo na saray sondalo na Katawan.” Tinmiblak ed dalin si Josue diad impangigalang to tan kuanto, “Siak so aripen mo. Antoy labay mon pagawad siak?”