1 Samuel 28:23 - Maung A Balita Biblia

²³ Ag inmabuloy si Saul, tan inkuanton ag mangan na antokaman. Balet tinanggoyur met na saray opisyal to. Inmabuloy a siansia, binmangon, tan inmirung ed katri.

Maung a Balita Biblia

²³ Ag inmabuloy si Saul, tan inkuanton ag mangan na antokaman. Balet tinanggoyur met na saray opisyal to. Inmabuloy a siansia, binmangon, tan inmirung ed katri.

1 Samuel 28:23 Referans Kwoze

1 Saray Arari 21:4

Agunigon tan akapasnuk a sinmempet ed abung si Acab lapud samay imbaga nen Nabot ed sikato. Dinmokul ed katri to, inarap toy padir, tan ag mangan.

2 CORINTO 5:14

Ta ooleyan kamiy aro nen Cristo, bangta bibirbiren min inatey so sakey a too para amin a katoowan; say labay to yan ibaga, minanabang so amin a katoowan ed impatey to.

Saray Gawgawa 16:15

Nampabinyag si Lydia tan say intiron pamilya to. Insan to kami inimbitaan ya inkuanto, “Diman ki la mipundod abung ko, no ipapasen yo ak a matoor ed Katawan.” Mapilit so impangimbita to, kanyan linma kami.

Lucas 24:29

Balet pinokpokan dan ag la ontutuloy a kuanda, “Mipundo ka la diad sikami, ta onseselek lay agew, insan onlalabi la ni met.” Kanyan akipundod sikara.

Lucas 14:23

Inkuan na amo, ‘Lakad saray daladalan tan saray leeleet diad paway na baley, tan pasoot mo ray totoon ondago, pian napanoy abung ko.

Probirbio 25:20

Say pankantad toon baleg so ermen to et singa panlakseb ed sakey a too no panaoy ambetel odino pangigosagos na asin ed sugat.

2 Saray Arari 5:13

Sinmingger ed sikato ray aripen to tan kuanda, “Amo, no mairap so imbagad sika na propita, ag mo komun gawaen. Natan ta mainomay, orasan moy sikan dili onung na imbaga to, ta ag la pigan onabig ka?”

2 Saray Arari 4:8

Aminsan ya agew, linmay Eliseo ed baley na Sunem a dimay panaayaman na sakey a biin mayaman. Binagaan na sayan biin mayaman a mangan si Eliseo, tan nanlapud saman diman la mamangan si Eliseo kapag onlad saman a baley.

1 Samuel 28:22

Gawam pa sirin so kerewen ko. Iyabuloy mon iparaanan ta kay kanen mo. Nepeg a mangan ka, pian mabiskeg kan ompawil.”

Ester 1:6

Say solar diman naarkusan na ampoti tan asul iran kurtina. Aberber ira na pinon linen a purpura, tan nibitin irad saray pilak a singsing diad saray marmol a lusek. Niiyan iray yorungan a balituk tan pilak ed solar ya abaldusaan na marmol ya ampoti, ambalanga, tan saray baton mabmabli.

Ezekiel 23:41

Inmirung irad balibalin kotsun, tan diad arap da walay lamisaan a napno na maabig a bengatla, a pati samay insinso tan larak na oliba ya inter kod sikara.