1 Samuel 25:35 - Maung A Balita Biblia

³⁵ Insan inawat nen David iray awit to tan kuantod sikato, “Sempet ka la tan ag ka mapaga. Gawaen koy labay mon nagawa.”

Maung a Balita Biblia

³⁵ Insan inawat nen David iray awit to tan kuantod sikato, Sempet ka la tan ag ka mapaga. Gawaen koy labay mon nagawa.

1 Samuel 25:35 Referans Kwoze

2 Saray Arari 5:19

“Nayarian mo lay onsempet; mila komun ed sikay kareenan,” inkuanen Eliseo. Insan la linmay Naaman. Ag ni akaarawiy Naaman

1 Samuel 20:42

Insan inkuanen Jonatan ed kinen David, “Wala komuy Dios ed sika. Andi-duaruwan ontulong so Katawan pian sika tan siak, saray kabyangan na boleg mo tan saray kabyangan na boleg ko, et tooren tayon anggad angga so masanton sipanan tan dua.” Insan tinmaynan lay David tan amawil lad baley si Jonatan.

Genesis 19:21

Inmebat, “On, abuloyan ko. Ag ko deralen iman a baley.

Lucas 8:48

Inkuanen Jesus ed sikato, “Anak ko, say pananisiam so amaabig ed sika. Onla kan mareen lay kalakal mo!”

Lucas 7:50

Balet inkuanen Jesus ed samay bii, “Say pananisiam so angilaban ed sika. Laka la, tan pakpel moy linawam.”

Say Libro nen Job 34:19

Pinalsa na Dios so balang sakey; ag to pipilaan iray manoley, odino kikilingan iray mayaman tan papaulyan iray mairap-bilay.

2 Samuel 15:9

Inkuan na ari, “Lakan walay kareenan.” Linma sirin ed Hebron si Absalom.

1 Samuel 1:17

Inkuanen Eli, “Laka lan mareen so kalakal mo. Iter komun na Dios na Israel so kinerew mod sikato.”

Probirbio 25:11

Say kanunotan a marakep so inkibalikas to et singa akortin balituk ya impatoon ed pilak.