1 Samuel 25:29 - Maung A Balita Biblia

²⁹ No walay ondogpad sika tan labay to kan pateyen, say Katawan a Dios iyarawi to kad kaatapan, a singa pambantay na sakey a too ed mablin kayamanan. Ibasileng na Katawan iray kalaban mo, a singa pangipalsut na sakey too ed saray bato.

Maung a Balita Biblia

²⁹ No walay ondogpad sika tan labay to kan pateyen, say KATAWAN a Dios iyarawi to kad kaatapan, a singa pambantay na sakey a too ed mablin kayamanan. Ibasileng na KATAWAN iray kalaban mo, a singa pangipalsut na sakey too ed saray bato.

1 Samuel 25:29 Referans Kwoze

Juan 17:21

pian magmaliw iran amin a saksakey komun. Ama! Mikasakey ira komud sikata, a singa kiwalam ed siak tan siak ed sika, pian manisiay sankamundoan ya imbaki mo ak.

Malakias 3:17

“Sikaray magmaliw a totook,” kuay Katawan a Makapanyarin-amin. “Diad agew a siak so onggalaw, sikaray magmaliw a petepeteg kon kayaryan. Kasian ko ra a singa pangakasi na ama ed anak ton laki a manlilingkur ed sikato.

Jeremias 10:18

Say Katawan pataynanen to kayo lad sayan dalin; pasegsegangen to kayo ya anggad anggapoy natilak ed sikayo. Say Katawan so nansalita.

Saray Salmo 116:15

Agaylay sakit ed Katawan so ipatey na siopaman ed saray totoo to!

1 Pedro 1:5

Lapud mananisia kayo, sasalimbengan kayo na pakayariy Dios legan yon aalagden so kilalaban ya akaparaan lan nipaamta ed kaonuray panaon.

Juan 17:23

Wala ak ed sikara tan wala kad siak, pian ayadyariy pankakasakey da. Et diad ontan, naamtaay sankamundoan ya imbaki mo ak tan inarom ira a singa panangarom ed siak.

Saray Salmo 66:9

Pansiasiansiaen to tayon mabilay ya anggad natan, tan ag to itayo inabuloyan a napelag.

1 Samuel 2:9

“Iyagel toy bilay da ray totoo ton matoor, balet naandipat ed kabilongetan iray totoon maoges; ag manalo so too lapud biskeg ton dili.

Deuteronomio 33:29

Israel, agaylay liket mon bansa! Anggapoy mipara sika, sakey a bansan inliktar na Katawan. Say Katawan a dili so samper tan ispadam, a mangyagel ed sika tan mangiter ed sikay pananalo. Ondagon mikasid sika iray kalaban mo, et gatin-gatinan mo ra.

Genesis 15:1

Kasumpal to yan inkagawa, walay pasingayew ed kinen Abram tan arengel ton inkuan na Katawan ed sikato, “Ag ka natatakot, Abram. Salimbengan ta kad kaatapan tan itdan ta kay baleg a tumang.”

Juan 14:19

Maganggano lan ag ak nanengneng na sankamundoan. Balet nanengneng yo ak lapud mambilay ak tan mambilay ki met.

2 Samuel 4:8

Inyawat da may olo ed kinen Ari David ed Hebron tan kuandad sikato, “Niay olo nen Isboset ya anak nen Saul a kalaban mo a mamapatey ed sika nen saman. Imbawian ka natan na Katawan ed kinen Saul tan saray kabyangay boleg to.”

Saray Salmo 54:3

Nitan la ray malastug a totoon ondogpad siak; labay ak a pateyen na saray maruksan totoo— totoon ag da ikabkabilangay Dios.

Say Libro nen Job 27:22

onsiplug ed sikato ya andi-panangasi, legan a gagawaen toy anggaay nayarian ton onarawi.