1 Samuel 25:25 - Maung A Balita Biblia

²⁵ Paolyan mo pa la komun iman a Nabal, ta andi-kabaliksan a too! Say inkatoo to et kapara na kabaliksan na ngaran to—sakey ya ambagel! Andid man ak, nen linma rad may aripen mo.

Maung a Balita Biblia

²⁵ Paolyan mo pa la komun iman a Nabal, ta andi-kabaliksan a too! Say inkatoo to et kapara na kabaliksan na ngaran tosakey ya ambagel! Andid man ak, nen linma rad may aripen mo.

1 Samuel 25:25 Referans Kwoze

1 Samuel 25:17

Nudnunot mo ya natan sirin no antoy nepeg yon gawaen. Nayarin maoges so nagawad amo mi tan say intiron pamilya to. Maonganget, kanyan anggapoy dengelen to!”

Malakias 2:2

Nepeg yo ak a pagalangan diad panamegley na gagawaen yo. No ag yo dengelen so ibabagak ed sikayo, isamba ta kayo. Isambak iray bengatlan panlalapwan na pambilay yo. Diad tuay tua insambak la ra, lapud leleglemewen yoy ganggan ko.

2 Samuel 13:33

Kanyan ag mo komun panisiaen so balitan inatey ya amin iray lalakin anak mo; si Amnon labat so inatey.”

Isaias 42:25

Lapud saya indapo tod sikatayoy pasnuk to tan impanirap to tayod bakal. Singa apoy ya amool ed intiron Israel so pasnuk to, balet ag tayo atalusan no antoy kabaliksan na nagagawa; ag tayon balut akaaral ed agawa.

1 Samuel 25:26

Say Katawan so manesebel a sikan dili so ombawi tan mamatey ed saray kalaban mo. Natan sambaan ko diad ngaran na mabilay a Katawan a nadusan singa si Nabal iray kalaban mo tan amin da ray malabay a mamasakit ed sika.

1 Samuel 25:24

diad saliyan nen David, tan kuantod sikato, “Ipangasim, dengel mo ak! Siak lay tetel mo ed amin ya agawa.

Isaias 32:5

Anggapo lay manisip a mapagalang so sakey a makulang-kulang o walay mangibagan maptek so toon anggapoy kababaingan.

Probirbio 29:7

Say maung a too kabat to ray kanepegan da ray mairap-bilay, balet saray totoon maoges ag da natatalusan ira yan bengatla.