1 Samuel 25:23 - Maung A Balita Biblia

²³ Nen anengneng nen Abigail si David, inmepas a tampol tan tinmikleb ed dalin,

Maung a Balita Biblia

²³ Nen anengneng nen Abigail si David, inmepas a tampol tan tinmikleb ed dalin,

1 Samuel 25:23 Referans Kwoze

1 Samuel 20:41

Kasiput to may ogaw, pinmaway ed abonbonton iran bato si David, tinmalimukor tan amitlon dinmakmomo ya anggad dalin. Manakis iran dua nen Jonatan legan dan nanlakapan; maermen niy David nen si Jonatan.

Saray Huis 1:14

Diad agew na bansal, impurpurek nen Otniel ed kinen asawa to ya onkerew na alog ed kinen ama to. Inmepas ed asno to si Acsa, insan tinepet nen Caleb ed sikato no antoy labay to.

Josue 15:18

Diad agew na kasal da, imbaga nen Otniel ed kinen asawa to a mikerew ed kinen ama to na sakey ya alog. Inmepas ed asno imay asawa nen Otniel, tan tinepet nen Caleb no anto so labay to.

1 Samuel 24:8

Pinmaway met ed ongib si David, tinombuk to, insan to tinawag, “Kagalgalang kon Ari!” Linmingaw si Saul et si David dinmakmomo ya anggad dalin a pamagalang to,

Ruth 2:10

Dinmakmomon anggad dalin si Ruth. Insan tinepet to, “Akin et ontan lay panangasi tan panangimanom ed siak, anta aliwa ak a taga dia?”

1 Samuel 25:24

diad saliyan nen David, tan kuantod sikato, “Ipangasim, dengel mo ak! Siak lay tetel mo ed amin ya agawa.

1 Samuel 25:41

Dinmakmomoy Abigail ya anggad dalin tan kuanto, “Siak so aripen ton sipaparaan a mangoras ed saray sali na saray aripen to.”

2 Samuel 1:2

Diad mikatlon agew sinmabiy sakey a balolakin nanlapud kampo nen Saul. Diad pangipanengneng toy ermen to pinipilat toy kawes to tan ininan toy dabuk so olo to. Linmad kinen David tan dinmakmomo ya anggad dalin a pamagalang to.

2 Samuel 9:6

Nen sinmabiy Mefiboset a lakin anak nen Jonatan tan apo nen Saul, dinmakmomod kinen David a pangigalang to. Inkuanen David, “Mefiboset,” insan inmebat, “Wadya ak ya aripen mo.”

2 Samuel 14:4

Linma may bii ed ari, dinmakmomo ya anggad dalin a pamagalang to, tan kuanto, “Tulongan mo ak pa, Kagalang kon Ari!”

2 Samuel 18:28

Insan inkulyaot nen Ahimaaz ed ari, “Maung ya amin so agawa.” Tinmiblak ed dalin ed arap na ari, tan kuanto, “Nagalang komun so Katawan a Dios mo ya angiter ed sika na pananalo ed saray totoon sinmumpa ed sika, Kagalang kon Ari!”

1 Saray Awaran 21:21

Kanengneng nen Arauna ya onsasabiy Ari David, tinaynan to may panagilikan tan dinmakmomo ya anggad dalin diad impangigalang to.