1 Samuel 25:13 - Maung A Balita Biblia

¹³ “Ibalkes yo ray ispada yo!” ingganggan to, et sikatoy ginawa ran amin. Imbalkes met nen David so ispada to tan pinmikal a kaiba to ray sakey a apat a lasus a lalaki; saray duan lasus atilak iran mambantay ed saray abasto.

Maung a Balita Biblia

¹³ Ibalkes yo ray ispada yo! ingganggan to, et sikatoy ginawa ran amin. Imbalkes met nen David so ispada to tan pinmikal a kaiba to ray sakey a apat a lasus a lalaki; saray duan lasus atilak iran mambantay ed saray abasto.

1 Samuel 25:13 Referans Kwoze

1 Samuel 23:13

Kanyan si David tan saray totoo to—sakey a anem a lasus iran amin—tinmayinan ran tampol so Keila tan nanalis-alis ira. Nen nadngelan nen Saul a tinaynan nen David so Keila, ag to la intuloy so getma to.

Probirbio 25:8

Ag ka bengat-bengat a mangisesegep ed korti na kason nipaakar ed anengneng mo. Ta antoy gawaen mo no walay arum a tasin mamaneknek a nalilingo ka?

Probirbio 19:11

No ikanam so olom pokpokan moy pasnuk mo. No nanggawad sika na makapoy so kaparam a too, kagalangan mo no palabasen mo.

Probirbio 19:2

Aliwan maung so sagpasagpa ya anggapoy amta; say ag pakaanos pansumpalen to ka ed gunigon.

Probirbio 14:29

No ambetel so olom makabat ka, balet no mipepetang so olom ipapanengneng mo so ontan lan inkakulang-kulang mo.

Josue 9:14

Saray lalakid Israel angawat iray pigaran kakanen a nanlapud saramay taga Gabaon, balet ag da la ya impanon ed Katawan.

Probirbio 16:32

Magmaung niy toon maanos nen say toon makapanyari. Magmaung niy toon dadangkaan toy sikaton dili nen say toon ooleyan toy intiron siudad.

1 Samuel 22:2

Linmad sikato ray totoon napapairap, o saray walay utang, o saray walay riklamo; sakey ya apat a lasus iran amin, tan nagmaliw a pangulo ra.

1 Samuel 25:12

Amawil ed kinen David ira may totoo to tan imbaga rad sikatoy imbaga nen Nabal.

1 Samuel 27:2

Kanyan si David tan saray anem a libon totoo to linma ran tampol ed anak nen Maoc, a si Akis ya ari na Gat.

2 Samuel 15:18

Manalalagey ed diking to ray amin ya opisyal to, legan a linmabas ed arap to ray managbantay ed sikato. Linmabas met ed arap to iray anem a lasus a sondalon nanlapud Gat a tinmombuk ed sikato.

Probirbio 20:22

Ag ka ombabales ed antokaman a maoges. Diad Katawan ka manmatalek, et tulongan to ka.