1 Samuel 24:9 - Maung A Balita Biblia

⁹ tan kuanto, “Akin et dedengelen mo ray totoon mangibabaga a pasakitan ta ka?

Maung a Balita Biblia

⁹ tan kuanto, Akin et dedengelen mo ray totoon mangibabaga a pasakitan ta ka?

1 Samuel 24:9 Referans Kwoze

Probirbio 29:12

No dengelen na manoley so tilan balita, magmaliw a matila ya amin iray opisyal to.

Santiago 3:6

Ontan met a say dila et singa apoy. Sakey a mundoy kaogsan, walay pasen tod laman tayo, tan mangikakayat na kaogsan ed intiron inkatoo tayo! Say apoy to nanlapud dilin impirno tan manangigapoy pool ed intiron bilay na too.

Probirbio 26:28

Saray totoon matila kabosul day titilaan da. Deral so iiter na saray salitan makapalikdo.

Probirbio 25:23

No panoy pangitataruk na dagem a nanlapud baybay ed oran, ontan met so pangitataruk na panagtalabutob ed pasnuk.

Probirbio 18:8

Masamsamit a singa kakanen so talabutob—labalabay tayon akmonen!

Probirbio 17:4

Saray totoon maoges ondedengel ed saray maoges a kanunotan tan saray matila ondedengel ira ed saray tila.

Probirbio 16:28

Saray totoon maoges so mangikakayat na talabutob; manangigapo ray golo tan managderal iray pankakaaro.

Saray Salmo 141:6

Saray totoo birbiren dan tua ray salitak no nibantak lad kelas iray manoley da.

Saray Salmo 101:5

Paarawien koy siopaman a beneg-benegan a mamapaoges ed kapara ton too; ag ko anosan so too a mapaatagey tan malastug.

1 Samuel 26:19

Dengel mo pay ibagak, O ari. No say Katawan so anagdag ed sika a sumpaen mo ak, sakey a bagat komuy makaoman na kanunutan to; balet no totooy anagdag, isamba ra komun na Katawan. Pinataynan da ak manlapud dalin na Katawan tan apasoot ak a manayam ed sakey a bansa a saray diriyos to labat so nayarian kon igalang.

Levitico 19:16

Ag yo tatalabutoben so siopaman, tan no walay toon nidalem ed korti a nayarin nasintinsiaan na patey, mantasi kayo no say pantasi yo et natulongan to. Siak so Katawan.

1 Samuel 20:1

Insan tinmaynan si David manlapud Nayot, diad Rama, linmad kinen Jonatan tan kuantod sikato, “Antoy ginawak? Antoy kasalanan ko? Antoy maoges a ginawak ed kinen amam a pamateyan tod siak?”

1 Samuel 24:8

Pinmaway met ed ongib si David, tinombuk to, insan to tinawag, “Kagalgalang kon Ari!” Linmingaw si Saul et si David dinmakmomo ya anggad dalin a pamagalang to,

1 Samuel 24:10

Nanengneng mon dili a nanagonuyan labat impasilong ka na Katawan ed pakayarik. Pigaran totook so angibagad siak a pateyen ta ka, balet et ag ko ya ginawa tan kuankon ag ta ka pasakitan, ta pinili ka na Katawan a manari.

1 Samuel 26:18

Intuloy ton inkuan, “Akin et oosilan mo ak ni ya aripen mo? Anto tay ginawak a? Antoy ginawak a kasalanan?

Jeremias 37:18

Insan tinepet ko, “Antoy kasalanan kod sika, odino diad saray opisyal mo, odino diad saray totoom a makasengeg na pangipiprisoan mod siak?

1 Samuel 20:41

Kasiput to may ogaw, pinmaway ed abonbonton iran bato si David, tinmalimukor tan amitlon dinmakmomo ya anggad dalin. Manakis iran dua nen Jonatan legan dan nanlakapan; maermen niy David nen si Jonatan.