1 Samuel 24:4 - Maung A Balita Biblia

⁴ Inkuan ed sikato na saray totoo to, “Sikato la yay pankanawnawam! Imbagad sika na Katawan ya ipasilong tod pakayarim so kalaban mo tan nayarian mon gawaen ed sikato so antokaman a labay mo.” Nankalkalnan kinorung nen David si Saul tan angerger na saloy na kawes nen Saul ya ag to amta.

Maung a Balita Biblia

⁴ Inkuan ed sikato na saray totoo to, Sikato la yay pankanawnawam! Imbagad sika na KATAWAN ya ipasilong tod pakayarim so kalaban mo tan nayarian mon gawaen ed sikato so antokaman a labay mo. Nankalkalnan kinorung nen David si Saul tan angerger na saloy na kawes nen Saul ya ag to amta.

1 Samuel 24:4 Referans Kwoze

1 Samuel 26:23

Tumangan na Katawan iray matoor tan matonung. Impasilong ka natan na Katawan ed pakayarik, balet et ag ta ka diniwit, ta say Katawan ginawa kan ari.

1 Samuel 24:10

Nanengneng mon dili a nanagonuyan labat impasilong ka na Katawan ed pakayarik. Pigaran totook so angibagad siak a pateyen ta ka, balet et ag ko ya ginawa tan kuankon ag ta ka pasakitan, ta pinili ka na Katawan a manari.

1 Samuel 24:18

Diad sayan agew impatnag mo so ontan lan kamaungan mod siak, ta ag mo ak pinatey, anggaman ya impasilong ak na Katawan ed pakayarim.

1 Samuel 23:17

Inkuanto, “Ag ka natatakot, ta ag ka nadiwit nen amak. Kabkabat to a sikay manari ed Israel tan siak so onkumaduad sika ed betang.”

1 Samuel 23:7

Nibagad kinen Saul a linmay David ed Keila, tan kuanto, “Say Dios impasilong to lad pakayarik si David. Inkolung toy sikaton dili diad inyakar tod baley ya aliber na padir tan abalewetan iray puirta to.”

Say Libro nen Job 31:31

Kabat na saray katulong kon lalaki a pinarawes ko lawas iray sangkaili.

2 Samuel 4:8

Inyawat da may olo ed kinen Ari David ed Hebron tan kuandad sikato, “Niay olo nen Isboset ya anak nen Saul a kalaban mo a mamapatey ed sika nen saman. Imbawian ka natan na Katawan ed kinen Saul tan saray kabyangay boleg to.”

Exodo 21:13

Balet no ag to tinalaranan tan ag to ginagalan apatey imay too, nayarian toy ombatik ed sakey a pasen a pilien kon para sikayo.

1 Samuel 22:1

Tinmaynan si David ed siudad na Gat tan linmad sakey ya ongib diad asingger ed baley na Adullam. Nen nadngelan na saray agagi to tan saray arum a kabyangay pamilya to a wadmay David, akikasakey irad sikato.

Saray Salmo 57:1

Kasian mo ak pa, O Dios, kasian mo ak pa, ta ondarago ak sika pian arawi ak ed kaatapan. Diad silong da ray payak mo, niyaagel ak ya anggad ilabas na saray maksil a bagyo.

Saray Salmo 142:1

Ontatawag ak a patulongan ed Katawan; mikakasi ak ed sikato.