1 Samuel 24:10 - Maung A Balita Biblia

¹⁰ Nanengneng mon dili a nanagonuyan labat impasilong ka na Katawan ed pakayarik. Pigaran totook so angibagad siak a pateyen ta ka, balet et ag ko ya ginawa tan kuankon ag ta ka pasakitan, ta pinili ka na Katawan a manari.

Maung a Balita Biblia

¹⁰ Nanengneng mon dili a nanagonuyan labat impasilong ka na KATAWAN ed pakayarik. Pigaran totook so angibagad siak a pateyen ta ka, balet et ag ko ya ginawa tan kuankon ag ta ka pasakitan, ta pinili ka na KATAWAN a manari.

1 Samuel 24:10 Referans Kwoze

Saray Salmo 105:15

Inkuanto, “Ag yo didiwiten iray aripen kon pinilik; ag yo papasakitan iray propitak!”

1 Samuel 24:4

Inkuan ed sikato na saray totoo to, “Sikato la yay pankanawnawam! Imbagad sika na Katawan ya ipasilong tod pakayarim so kalaban mo tan nayarian mon gawaen ed sikato so antokaman a labay mo.” Nankalkalnan kinorung nen David si Saul tan angerger na saloy na kawes nen Saul ya ag to amta.

Exodo 21:13

Balet no ag to tinalaranan tan ag to ginagalan apatey imay too, nayarian toy ombatik ed sakey a pasen a pilien kon para sikayo.

1 Samuel 24:9

tan kuanto, “Akin et dedengelen mo ray totoon mangibabaga a pasakitan ta ka?

Saray Salmo 7:3

Katawan a Dios ko, no nanggawa ak na maoges ed siopaman, no nantraidor ak ed kaarok, odino pinasakitan kon anggapoy makasengeg so kalaban ko, no ginawak so anggan dinan ed saraya,

Saray Salmo 125:3

Ag magnayon a manoley ed dalin na saray totoon matonung iray totoon maoges; ta no magnayon so panoley da, nayarin manggawa met na kaogsan iray totoon matonung.

Levitico 19:16

Ag yo tatalabutoben so siopaman, tan no walay toon nidalem ed korti a nayarin nasintinsiaan na patey, mantasi kayo no say pantasi yo et natulongan to. Siak so Katawan.

Ezekiel 22:9

Wala ray totoom a mantitila nipaakar ed saray arum a totoo, pian napapatey da ra. Saray arum mamangan iray imbagat ed saray talintaoy diriyos. Wala ray mamepenek na kaliktan na laman da.