1 Samuel 23:9 - Maung A Balita Biblia

⁹ Nen nadngelan nen David a getma nen Saul a dogpaan, inkuantod kinen Abiatar a pari, “Iyakar mo dia may ipod.”

Maung a Balita Biblia

⁹ Nen nadngelan nen David a getma nen Saul a dogpaan, inkuantod kinen Abiatar a pari, Iyakar mo dia may ipod.

1 Samuel 23:9 Referans Kwoze

1 Samuel 30:7

Inkuanen David ed kinen Abiatar a pari tan lakin anak nen Ahimelec, “Iyakar mo dia may ipod,” et inyakar nen Abiatar ed sikato.

1 Samuel 23:6

Nen si Abiatar a lakin anak nen Ahimelec et akabatik tan akikasakey ed kinen David ed Keila, inawit toy ipod.

Saray Bilang 27:21

Diad kinen Eleazar a pari, diad pangikana to na Urim tan Tummim so pakaamtaan toy linawak. Onya so pangiwanwan nen Eleazar ed kinen Josue tan amin ya Israelita diad amin a gawaen da.”

Saray Gawgawa 14:6

Nen naamtaan ya na saray apostol, linma rad Listra tan Derbe, saray siudad na Licaonia, tan saray kaliber-liber a pasen.

Saray Gawgawa 9:24

balet akabatan to man a getma ra. Labi-agew dan binantayan so puirtay siudad, pian napatey da.

Jeremias 33:3

“Tawag kad siak, et ebatan ta ka; ibagak ed sika ray makapakelaw tan niamut a bengatlan ag mo ni ra akabatan.

1 Samuel 22:20

Balet akabatik si Abiatar a sakey ed saray lalakin anak nen Ahimelec, tan akikasakey ed kinen David.

1 Samuel 14:18

“Awit yo dia may ipod” kuanen Saul ed kinen Ahias a pari. (Diad saman ya agew sankaawit nen Ahias ed onaan da ray Israelita.)

1 Samuel 23:8

Kanyan tinawag to ray totoo to ta mibakal irad Keila, pian nadakep day David tan saray totoo to.

1 Samuel 23:10

Insan kuanen David, “Katawan a Dios na Israel, nadngelan kon getma nen Saul so onla diad Keila tan deralen to, lapud siak ya aripen mo.

1 Saray Arari 2:26

Insan inkuanen Ari Solomon ed kinen Abiatar a pari, “Sempet ka lad abung mod bario diad Anatot. Kanepegan moy ompatey, balet ag ta ka pateyen natan, lapud sikay nanasikasod Kaban na Sipanan legan a kaibam si amak a David tan lapud akidamay kad saray gunigon da.”

Oseas 3:4

Diad singa onya, saray totood Israel mabaybayag iran mambilay ya anggapoy ari odino pangulo, anggapo ray bagat odino masanton lusek, anggapoy talintaoy diriyos odino imahin ya onkanad panagparles.

1 Samuel 10:22

tinepet dad Katawan, “Wala niy arum?” Inmebat so Katawan, “Wadmay Saul, onaamut ed kawalaay abasto.”